Samsung Electronics maje namier vypuścić hnutki smartfon u nastupnym hodzie. Ab płanach kampanii raspavioŭ jaje top-mieniedžar Don-Džyn Koch, jaki ŭznačalvaje mabilnaje padraździaleńnie.
Pavodle jaho słoŭ, «Samsunh» raźličvaje na vypusk mabilnaj pryłady z hnutkim dysplejem u 2018 hodzie. Hety aparat płanujecca pradavać pad brendam Galaxy Note. Adnak kiraŭnik pryznaŭ isnavańnie šerahu ciažkaściaŭ, jakija jašče treba budzie pieraadoleć pierad masavymi prodažami hadžeta, jaki budzie zdolny składvacca napałovu z dapamohaj zhinańnia korpusa razam z ekranam. Adbyvacca heta budzie biez vykarystańnia šarniraŭ, jak heta niekali było ŭ telefonaŭ-«raskładušak».
«Na pravach kiraŭnika biznesu ja mahu skazać, što naša meta — heta nastupny hod. Tolki kali my zmožam vyrašyć usie prablemy, my vypuścim hety pradukt», — zajaviŭ Don-Džyn Koch na pres-kanfierencyi ŭ aŭtorak.
Jon nie ŭdakładniŭ, u čym mienavita zaklučajucca hetyja prablemy. Apytanyja Bloomberg analityki kažuć, što sieryjnaja vytvorčaść hnutkich telefonaŭ, jakija majuć vysokatechnałahičnaje abstalavańnie i tonkuju kanstrukcyju, patrabuje niamała času.
Jak skłaŭsia los vypusknikoŭ, jakimi žurfak hanaryŭsia 10 hadoŭ tamu? Historyja adnaho ŭračystaha kałaža31
Kamientary