Ministr kultury Rasii Uładzimir Miadzinski nazvaŭ biezzakońniem, cenzuraj i ciskam na dziaržavu pahrozy, jakija pastupali ŭ adras stvaralnikaŭ filma «Macilda» i kinateatraŭ, u jakich jaje mahli pakazvać. Hetyja pahrozy ŭžo pryviali da taho, što ad pakazu filma admoviłasia adna z najbujniejšych sietak kinateatraŭ u Rasii.
Ministr paprasiŭ kiraŭnictva pravaachoŭnych orhanaŭ «žorstka spynić cisk na dziaržavu i kinabiznes z boku raźjušanych aktyvistaŭ «ź ich hramadska niebiaśpiečnymi mietadami naviazvańnia svaich pierakanańniaŭ».
«Lubyja namiery» inicyjatyŭščykaŭ «na miescach» zabaranić pakaz, lubyja sproby cisku na pryvatnyja abo municypalnyja kinateatry — heta čystaj vady biezzakońnie i cenzura, jakaja naŭprost zabaroniena Kanstytucyjaj RF», - havorycca ŭ zajavie ministra, atrymanym Ruskaj słužbaj Bi-bi-si ad jaho pamočnika.
Miadzinski zajaviŭ, što adzinym i vyčarpalnym dakumientam, jaki dazvalaje prakat filma ŭ Rasii, źjaŭlajecca prakatnaje paśviedčańnie fiederalnaha ŭzoru, jakoje vydaje ministerstva kultury. U «Macildy» jano ŭžo jość.
U suviazi z hetym ministr źviarnuŭsia da kiraŭnictva kinasietak z zaklikam nie paddavacca na pahrozy. «Vašu pracu aceńvaje hladač, a siektanty-padpalščyki — heta klijenty inšych śpiecyjalizavanych ustanoŭ», - zajaviŭ jon.
U zajavie zhadvajecca deputat Dziarždumy Natalla Pakłonskaja, jakaja viadomaja jak zaŭziataja praciŭnica filma. Jana nastojvała, što aŭtary karciny abražajuć pačućci viernikaŭ, apisvajučy pazašlubnuju suviaź rasijskaha impieratara Mikałaja II, zaličanaha da śviatych.
«Nie viedaju, jakimi mierkavańniami kirujecca pavažanaja spadarynia Pakłonskaja, ładziačy i padtrymlivajučy hety hvałt. Moža, i ad ščyraha serca. Tym bolš, nie hatovy razhadvać matyvacyi roznakalibiernych aktyvistaŭ-padpalščykaŭ, jakija nachabna nazyvajuć siabie «pravasłaŭnymi», — havorycca ŭ zajavie.
Jak skłaŭsia los vypusknikoŭ, jakimi žurfak hanaryŭsia 10 hadoŭ tamu? Historyja adnaho ŭračystaha kałaža31
Kamientary