Dvoje vykładčykaŭ Biełaruskaj dziaržaŭnaj sielskahaspadarčaj akademii asudžanyja za chabar, paviedamiła karespandentu BiełTA staršy prakuror adździeła prakuratury Bresckaj vobłaści Kaciaryna Pakała. Vyjaŭlena, što mužčyny 57 i 63 hadoŭ nieadnarazova prymali pradukty ad studentaŭ-zavočnikaŭ Pinskaha filijała sielhasakademii za zdaču ekzamienaŭ i zalikaŭ.
Dakazany čatyry takija epizody na ahulnuju sumu bolš za Br268. Sud Pinska i Pinskaha rajona pryznaŭ vykładčykaŭ vinavatymi pa č.2 art.430 (atrymańnie chabaru hrupaj asob paŭtorna) Kryminalnaha kodeksa. Adzin ź fihurantaŭ pryhavorany da čatyroch hadoŭ pazbaŭleńnia voli z adterminoŭkaj vykanańnia pakarańnia na try hady, druhi — da troch hadoŭ pazbaŭleńnia voli z adterminoŭkaj vykanańnia na dva hady. Taksama jany pazbaŭlenyja prava zajmacca piedahahičnaj dziejnaściu.
U chodzie sudovaha pracesu abvinavačanyja dobraachvotna pakryli sumu. Akramia taho, pa rašeńni suda ŭ abodvuch kanfiskavana majomaść. Adzin z abvinavačanych abskardziŭ prysud, nie pryznaŭšy siabie vinavatym. Adnak 12 vieraśnia sudovaja kalehija pa kryminalnych spravach suda Bresckaj vobłaści pakinuła skarhu biez zadavalnieńnia, kankretyzavaŭšy pry hetym dadatkovaje pakarańnie ŭ vyhladzie pazbaŭleńnia prava zajmacca piedahahičnaj dziejnaściu, «źviazanaj z pryjomam ekzamienaŭ i zalikaŭ». Prysud ustupiŭ u zakonnuju siłu.
Jak skłaŭsia los vypusknikoŭ, jakimi žurfak hanaryŭsia 10 hadoŭ tamu? Historyja adnaho ŭračystaha kałaža31
Kamientary