Jak paviedamlaje sajt Ministerstva abarony RF, padraździaleńni Uzbrojenych Sił Rasijskaj Fiederacyi, jakija biaruć udzieł u vučeńniach «Zachad-2017» na terytoryi palihonaŭ «Barysaŭski» i «Asipovicki» ŭ Respublicy Biełaruś, «abstalavali sučasnyja palavyja haradki, jakija zabiaśpiečvajuć kamfortnaje pražyvańnie asabovaha składu ŭ palavych umovach z zachavańniem usich elemientaŭ žyćciezabieśpiačeńnia, najaŭnych u punktach pastajannaj dysłakacyi».
Sałdaty žyvuć u sučasnych vajskovych namiotach M-30 i M-10, piša sajt. U haradkach jość bytavyja pakoi, sučasnyja dušavyja i cyrulni. Pakoi volnaha času majuć spadarožnikavyja anteny, praź jakija zabiaśpiečvajecca tranślacyja rasijskich telekanałaŭ.
Usiaho rasiejcy na palihonach «Barysaŭski» i «Asipovicki» pastavili kala 100 namiotaŭ.
Dla arhanizacyi charčavańnia vajskoŭcaŭ na terytoryjach palihonaŭ razhornutyja palavyja punkty, abstalavanyja sučasnymi palavymi kuchniami, a taksama chlebazavody i chlebapiakarnyja błoki, paviedamlaje sajt.
