Niezaležnaść Biełarusi ŭ zakanadaŭčych aktach — fota dakumientaŭ
U fondach Nacyjaalnaha archiva zachoŭvajecca šerah zakanaŭčych aktaŭ, na padstavie jakich stvarałasia niezaležnaja Biełaruś. Jak viadoma, z 19 vieraśnia 1991 hoda naša kraina stała nazyvacca Respublikaj Biełaruś. U toj ža dzień Viarchoŭny Saviet 12-ha sklikańnia zaćvierdziŭ novyja dziaržaŭnyja simvały — hierb «Pahonia» i bieł-čyrvona-bieły ściah.
Zakon ab naźvie krainy (aryhinał)
Zakon padpisany staršynioj Viarchoŭnaha Savieta Stanisłavam Šuškievičam. Taksama na hetym dakumiencie jość podpisy namieśnika staršyni Viarchoŭnaha Savieta Vasila Šaładonava, staršyni kamisii Viarchoŭnaha Savieta pa adukacyi, kultury i zachavańni histaryčnaj spadčyny Niła Hileviča, staršyni kamisii Viarchoŭnaha Savieta pa zakanadaŭstvie Dźmitryja Bułachava, zahadčyka jurydyčnym adździełam sakrataryjata Viarchoŭnaha Savieta Ryhora Vasileviča, namieśnika zahadčyka adździeła pa pytańniach sacyjalnaha i kulturnaha raźvićcia sakrataryjata Viarchoŭnaha Savieta Ivana Łazavikova.
Zakon ab Dziaržaŭnym hierbie Respubliki Biełaruś (aryhinał)
Zakon padpisany Stanisłavam Šuškievičam. Taksama prysutničajuć podpisy Niła Hileviča, Ivana Łazavikova, Ryhora Vasileviča i Volhi Darhiel — zahadčycy adździeła pa pytańniach sacyjalnaha i kulturnaha raźvićcia sakrataryjata Viarchoŭnaha Savieta Respubliki Biełaruś.
Zakon ab Dziaržaŭnym ściahu Respubliki Biełaruś (aryhinał)
Zakon padpisany Stanisłavam Šuškievičam. Taksama prysutničajuć podpisy Vasila Šaładonava, Niła Hileviča, Ryhora Vasileviča, Ivana Łazavikova i Volhi Darhiel.
Pastanova ab zaćviardžeńni etałona Dziaržaŭnaha hierba i Pałažeńnie ab Dziaržaŭnym hierbie Respubliki Biełaruś (aryhinał)
Zakon padpisany Stanisłavam Šuškievičam. Taksama stajać podpisy Vasila Šaładonava, Niła Hileviča, Dźmitryja Bułachava, Ryhora Vasileviča, Volhi Darhiel, namieśnika staršyni kamisii pa adukacyi, kultury i zachavańni histaryčnaj spadčyny Aleha Trusava (zajmaŭ pasadu z 20 vieraśnia 1991 h. da zakančeńnia paŭnamoctvaŭ Viarchoŭnaha Savietu 12-ha sklikańnia), staršyni kamisii Viarchoŭnaha Savieta pa nacyjanalnaj palitycy i mižnacyjanalnych adnosinach Michaiła Ślamniova.
Pastanova ab zaćviardžeńni Pałažeńnia ab Dziaržaŭnym ściahu Respubliki Biełaruś (aryhinał)
Pastanova padpisana staršynioj Viarchoŭnaha Savieta Stanisłavam Šuškievičam. Taksama na hetym dakumiencie jość podpisy Vasila Šaładonava, Niła Hileviča, Michaiła Ślamniova, Dźmitryja Bułachava, Ryhora Vasileviča, Aleha Trusava i Volhi Darhiel.
Etałon Dziaržaŭnaha hierba Respubliki Biełaruś uzoru 1991—1995 hh. (prajekt)
Schiematyčnaja vyjava Dziaržaŭnaha ściaha Respubliki Biełaruś uzoru 1991—1995 hh.
Ciapier čytajuć
U Połk Kalinoŭskaha na tydzień pralez milicejski stukač. Ciapier jaho vykryli, i dobra vidać, chto sprabuje abialić ahienta10
Kamientary