Dziaržaŭny daradca i de-fakta kiraŭnik urada Mjanmy Aunh San Su Čžy ŭpieršyniu publična asudziła hvałt suprać musulmanskaj mienšaści rachindža u štacie Rakchajn. U svaim telezvarocie da naroda ŭ aŭtorak, 19 vieraśnia, łaŭreat Nobieleŭskaj premii miru zajaviła ab nieprymalnaści lubych parušeńniaŭ pravoŭ čałavieka, ad kaho b jany ni zychodzili, paviedamlaje Dw.de.
Jana abiacała pryniać miery suprać parušalnikaŭ niezaležna ad ich relihijnaj, etničnaj i palityčnaj prynaležnaści.
«Usie my chočam miru, a nie vajny», — zapeŭniła Aunh San Su Čžy, dadaŭšy, što jana spačuvaje ŭsim ludziam, jakija paciarpieli ad kanfliktu ŭ Rakchajnie. Dziaržaŭny daradca Mjanmy abiacała asabista aznajomicca z tym, što adbyvajecca ŭ hetym rehijonie i dapuścić u krainu zamiežnych naziralnikaŭ.
U toj ža čas jana zaklikała suśvietnuju supolnaść da ciarpieńnia. «My maładaja i dalikatnaja demakratyja, jakaja sutykajecca ź vialikaj kolkaściu prablem», — patłumačyła Su Čžy. Jana taksama nie stała pahłyblacca ŭ detali z nahody dziejańniaŭ vajskoŭcaŭ.
Aunh San Su Čžy vykazała hatoŭnaść «u luby momant» vyvučyć status rachindža, jakija ŭ apošnija tydni masava biahuć u susiedniuju Banhładeš, ratujučysia ad hvałtu ŭ Rakchajnie. Pavodle jaje słoŭ, Mjanma hatova sadziejničać viartańniu biežancaŭ. Pry hetym dziarždaradca nie skazała ničoha ab harantyjach viartańnia.
Urad Mjanmy ŭžo mnohija miesiacy pravodzić siłavuju apieracyju suprać rachindža, jakich u krainie nazyvajuć «bienhalskimi terarystami». Achviarami hetaj apieracyi, a taksama mižrelihijnych sutyknieńniaŭ stali mnohija sotni ludziej, pieravažna rachindža. U Banhładeš źbiehli ŭžo bolš za 400 tysiač musulman.
Ciapier čytajuć
U Połk Kalinoŭskaha na tydzień pralez milicejski stukač. Ciapier jaho vykryli, i dobra vidać, chto sprabuje abialić ahienta10
Kamientary