
Dźvie śmiarotnyja avaryi adbylisia 18 vieraśnia, kala 22.30, u Niaśvižskim rajonie. Pra heta paviedamiła Tut.by viadučy śpiecyjalist upraŭleńnia HKSE pa Minskaj vobłaści Volha Mazurenka.
Pavodle papiaredniaj infarmacyi, kiroŭca aŭtobusa «Nieapłan» jechaŭ pa trasie M1 Brest — Minsk — miaža RF u krajniaj pravaj pałasie. Na 256-m kiłamietry darohi jon ździejśniŭ najezd na mužčynu, jaki raptam vyjšaŭ z «Chionde Santa Fe», što stajaŭ u pałasie tarmažeńnia. Ad atrymanych traŭmaŭ paciarpieły pamior na miescy zdareńnia.
Praź niekalki chvilin u hetaj ža pałasie jechaŭ «Piežo Partnior», kiroŭca jakoha ździejśniŭ najezd na cieła zahinułaha mužčyny i kiroŭcu «Nieapłana», jaki znachodziŭsia kala jaho.
U vyniku DTZ druhi mužčyna taksama pamior. Śviatłoadbiŭnymi elemientami zahinułyja paznačanyja nie byli.

Kamientary