Dla taho kab padoŭžyć žyćcio i źnizić ryzyku sardečna-sasudzistych zachvorvańniaŭ, čałavieku nieabchodna być fizična aktyŭnym 150 chvilin u tydzień. Pra heta śviedčać vyniki daśledavańnia, praviedzienaha navukoŭcami kanadskaha Univiersiteta Makmastera, ich artykuł apublikavany ŭ časopisie The Lancet.
Pa słovach Skota Lira, adnaho z aŭtaraŭ daśledavańnia, nie abaviazkova chadzić u trenažornuju zału, basiejn abo ŭstavać na biehavuju darožku: dastatkova prajścisia pieššu da pracy abo zrabić doma ŭborku.
U daśledavańni ŭziali ŭdzieł bolš za 130 tysiač čałaviek z 17 krain. Uličvalisia sacyjalny i ekanamičny status udzielnikaŭ, ich ład žyćcia, historyi chvaroby. Respandenty taksama pakazvali ŭ ankietach, jak časta zajmajucca sportam.
Paśla amal siamihadovych nazirańniaŭ navukoŭcy pryjšli da vysnovy, što paŭhadzinnaja aktyŭnaść na praciahu piaci dzion źnižaje ryzyku śmierci na 28%, a sardečnych zachvorvańniaŭ — na 20%. Pavyšeńnie intensiŭnaści fizičnaj nahruzki jašče bolš palepšyła vyniki: u ludziej, jakija nadajuć bolš za 750 chvilin u tydzień chutkaj chadzie, ryzyka zaŭčasnaj śmierci pamianšajecca na 36%.
8 prykmiet, što vaš chrap moža być niebiaśpiečny
Čamu šviedy jaduć cukierak pa kiłahramie na siamju ŭ tydzień, a zuby ŭ ich adny z najlepšych u Jeŭropie
Ciapier čytajuć
«Viartajciesia, kali daraściacie». Adzin z samych darahich restaranaŭ Minska šakuje svajoj kamunikacyjaj7
Kamientary