Indaniezija abviaściła najvyšejšuju stupień niebiaśpieki z-za mahčymaha vyviaržeńnia vułkana Ahunh na vostravie Bali, paviedamlaje VVS.
Kala 10 tysiač čałaviek užo evakujavanyja z rajonu mahčymaha vyviaržeńnia. Ułady zaklikajuć nasielnictva pakinuć rajon u radyusie nie mienš za 9 km ad vułkana.
Paviedamlajecca ab bieśpierapynnych siejśmičnych šturškach u vakolicach vułkana, nazirajucca taksama prykmiety ŭzdymu mahmy da pavierchni.
Padčas apošniaha vyviaržeńnia vułkana Ahunh u 1963 hodzie zahinuła bolš za tysiaču čałaviek. Vułkan vykidvaŭ vielizarnyja pirakłastyčnyja patoki i łavavyja masy. Pirakłastyčny patok ŭjaŭlaje ź siabie vobłaka, jakoje chutka ruchajecca i składajecca z raspalenych hazaŭ, vułkaničnaha popiełu i hornaj parody.
Ahunh, jaki naležyć da kłasa stratavułkanaŭ, maje vyšyniu 3142 mietry i raźmiaščajecca na ŭschodzie vostrava Bali.
Jon uvachodzić u lik 130 aktyŭnych vułkanaŭ Indaniezii, jakija źjaŭlajucca častkaj tak zvanaha «Vohniennaha kalca» — vułkaničnaj zony, što apiarezvaje Cichi akijan.
Kamientary