Kiraŭnik Čačenskaj Respubliki Rasii Ramzan Kadyraŭ raspavioŭ žurnalistam pra vyniki pieramoŭ z Alaksandram Łukašenkam, piša BiełTA.
«Sustreča mnie vielmi spadabałasia. Ja jašče daŭno vielmi chacieŭ sustrecca, parazmaŭlać. U mianie, na žal, adzin raz nie atrymałasia pryjechać. Ja za heta atrymaŭ zaŭvahu. Dumaju, siońnia my znajšli adkazy na ŭsie pytańni», - skazaŭ Ramzan Kadyraŭ.
Pavodle jaho słoŭ, pieramovy byli plonnymi, baki damovilisia raźvivać handlova-ekanamičnaje supracoŭnictva pa kankretnych napramkach. «Čačenskaja Respublika siońnia adzin z samych dynamičnych rehijonaŭ na Paŭnočnym Kaŭkazie. Kali zrabić dobry piłotny prajekt u sielskaj haspadarcy, traktarabudavańni, heta budzie vielmi pierśpiektyŭna, - ličyć Ramzan Kadyraŭ. — Usie napramki, jakija isnujuć, nam vielmi cikavyja, bo Biełaruś pakazvaje dobryja vyniki».
Raspaviadajučy pra pieršyja ŭražańni ad znachodžańnia ŭ Biełarusi, kiraŭnik Čačenskaj Respubliki adznačyŭ, što Minsk - čysty i pryhožy horad. «Adčuvajecca, što jość haspadar, - padkreśliŭ jon. - Mnie vielmi padabajecca tut».
Kamientary