U Śvietłahorsku 15-hadovaja dziaŭčyna paznajomiłasia ŭ sacsietkach z 16-hadovym chłopcam. Maładyja ludzi hulali i kamunikavali ŭ adnoj kampanii, pry hetym dziaŭčyna ličyła chłopca siabram, a toj u dziaŭčynu zakachaŭsia.
Pa słovach supracoŭnika Śledčaha kamiteta, litaralna praź niekalki miesiacaŭ školnica daviedałasia, što małady čałaviek paviedamiŭ pra siabie nie ŭsiu praŭdu: na samaj spravie «chłopčyku» było 24 hady, paviedamlaje partał ranak.by.
Emacyjna vyśvietliŭšy adnosiny, dziaŭčyna paviedamiła, što nie žadaje praciahvać znajomstva. Adnak kavaler tak prosta zdavacca nie chacieŭ.
Pačalisia zvanki, prośby ab sustrečach, sproby ŭździejańnia praz ahulnych znajomych i siabrovak. Maci padazravanaj pisała zajavu ŭ milicyju z prośbaj zaścierahčy jaje dačku ad pieraśledu — małady čałaviek abiacaŭ, što bolš heta nie paŭtorycca.
22 žniŭnia maładyja ludzi sustrelisia jašče raz vyśvietlić adnosiny. U chodzie tłumačeńniaŭ, jakija pierajšli ŭ kanflikt, mužčyna schapiŭ dziaŭčynu, jana, vyryvajučysia, udaryła jaho ŭ tvar. Vynik - złamanaja skivica.
Adrynuty 24-hadovy zalotnik nie staŭ hulać u vysakarodnaść i napisaŭ zajavu, u jakoj śćviardžaje, što 15-hadovaja dziaŭčyna ŭdaryła jaho kułakom.
U vyniku na školnicu zaviali kryminalnuju spravu.
Kamientary