Papularny rasijski videabłohier pamior ad ukusu samaj atrutnaj u śviecie źmiai ŭ žyvym efiry
Videabłohier Arsłan Valejeŭ prasłaviŭsia dziakujučy svaim kanałam na Jutubie pra vialikich dzikich kotak «BobCat TV» i kanału pra reptylij «Pryvatny ekzataryum». Paśla svarki z žonkaj jon u žyvym efiry atrymaŭ ukus atrutnaj źmiai.
Čornaja mamba — samaja atrutnaja źmiaja ŭ śviecie naroŭni ź sietčataj karyčnievaj źmiajoj. Jaje ŭkus śmiarotny dla čałavieka, kali svoječasova nie ŭvieści antydot. Arsłan Valejeŭ atrymaŭ ukus mienavita hetaj źmiai, pieradajuć rasijskija ŚMI.
U noč na 23 vieraśnia ŭ žyvym efiry błohier raspaviadaŭ pra čornuju mambu, jakaja ŭ niejki momant naniesła jamu ŭkus. Padpisčyki, jakija nazirali za žyvym efiram, vyklikali chutkuju dapamohu.
Lekary advieźli Arsłana ŭ balnicu ŭ krytyčnym stanie. Miedyki zrabili ŭsio mahčymaje, ale vyratavać naturalista im nie ŭdałosia.
Paviedamlajecca, što sprečka Valejeva z byłoj žonkaj pryviała błohiera ŭ mocnaje zasmučeńnie. Jon raŭnavaŭ dziaŭčynu, adnojčy navat nibyta dazvoliŭ sabie padniać na jaje ruku (tak, va ŭsiakim vypadku, śćviardžaje sama byłaja žonka, dakazvajučy svaje słovy miedycynskimi dakumientami). Paźniej Arsłan apublikavaŭ u adnoj sa svaich hrup publičny zvarot da Kaciaryny Piatyžkinaj, u jakim paprasiŭ u jaje prabačeńnia za ŭsio zroblenaje.
«Pierad taboj užo nie raz prasiŭ prabačeńnia. Paprasiŭ prabačeńnia i publična. Pierad publikaj taksama prašu prabačeńnia, ja nie robat dla ŭborki za žyviołami i hienieracyi videa, ja čałaviek, davoli słaby charaktaram», — napisaŭ błohier napiaredadni svajoj hibieli ŭ efiry.
Niaźmienny televiadučy prahramy «U śviecie žyvioł» Mikałaj Drazdoŭ prakamientavaŭ trahiedyju. Pavodle jaho słovaŭ, u žyvym efiry ŭvaha hublajecca, a čornaja mamba — źmiaja chutkaja i biaźlitasnaja.
«U žyvym efiry hublaješ uvahu, adciahvaješsia na zdymku. Vielmi niebiaśpiečna. Mianie adzin raz ukusiła źmiaja, na zdymkach hadziuka była, pralažaŭ u balnicy. U efiry lepš sa źmiejami nie vystupać. Mamba — vielmi sprytnaja i chutkaja, kusaje imhnienna», — zajaviŭ Drazdoŭ.
Prapanujem vašaj uvazie apošnija videa z kanałaŭ «BobKet TV» i «Pryvatny ekzataryum», zroblenyja Arsłanam.
Ciapier čytajuć
U minskim mietro prachodziać vyprabavańni novyja ciahniki FOTY1
U minskim mietro prachodziać vyprabavańni novyja ciahniki FOTY
Rasijskaja nieanacystka, jakaja adsiadzieła 16 hadoŭ za zabojstva advakata i žurnalistki: Jon naprošvaŭsia svaimi pohladami na čačenskuju kampaniju1919
Kamientary