«Biełarusnafta» prapanuje pavysić ceny na paliva chacia b na 5%. Pra heta paviedamiŭ žurnalistam namieśnik hiendyrektara VA «Biełarusnafta» Siarhiej Kamornikaŭ, piša Tut.by.
«Košt barala nafty na suśvietnych placoŭkach vyrasła da 59 dalaraŭ. Siońnia ŭ Biełarusi bienzin kaštuje tańniej, čym u Rasii, jakaja zdabyvaje ŭ šmat razoŭ bolš nafty. Kanjunktura rynku padšturchoŭvaje da taho, što ceny na aŭtamabilnaje paliva ŭ Biełarusi mohuć pavysicca, — skazaŭ Siarhiej Kamornikaŭ.
Pa słovach Kamornikava, jość padstavy dla pavyšeńnia cenaŭ na 5%. Zaraz prodažy na ŭnutranym rynku stratnyja. Ich kampiensujuć tolki pastaŭki naftapraduktaŭ na ekspart. «Z punktu hledžańnia kanjunktury, zychodziačy z cenaŭ u sumiežnych krainach, taki ŭzrovień rostu cenaŭ byŭ by dastatkova razumnym i abjektyŭnym», - dadaŭ namieśnik hiendyrektara.
Nahadajem, apošni raz cana na paliva źmianiałasia 6 maja 2017 hoda. Tady košt paliva vyras na 1 kapiejku, i heta stała šostym z pačatku hoda padaražeńniem. Ciapier na zapraŭkach aŭtamabilisty mohuć kupić paliva pa takich cenach: AI-92 - 1 rubiel 17 kapiejek, AI-95 — 1 rubiel 25 kapiejek, AI-98 - 1 rubiel 36 kapiejek i cana dyziela DT-K5 - 1 rubiel 29 kapiejek.
