Fond baraćby z karupcyjaj Alaksieja Navalnaha apublikavaŭ rasśledavańnie pra majomaść televizijnaha prapahandysta Uładzimira Sałaŭjova.
«Ab jahonaj majomaści napisana i skazana vielmi šmat, ničoha zvyšnovaha my nie adkryvajem, ale zatoje ŭpieršyniu usio pakazvajem i prykładajem dakumienty», — tłumačycca ŭ rasśledavańni.
Navalny aceńvaje bahaćcie Sałaŭjova minimum na miljard rasijskich rubloŭ. Heta 15 miljonaŭ jeŭra.
Śpis nieruchomaści viadučaha pačynajecca z kvatery ŭ elitnym domie ŭ Maskvie. Pavodle dakumientaŭ, Sałaŭjoŭ kupiŭ ich naŭprost u meryi pa canie, ŭ 5 razoŭ nižejšaj za rynkavuju.
Aproč taho, jon nabyŭ jašče dźvie kvatery ŭ tym samym domie, pavialičyŭšy płošču svajoj elitnaj majomaści da 450 kvadratnych mietraŭ.
Dom z tryma kvaterami Sałaŭjova.
Pad Maskvoj u Sałaŭjova jość lecišča. «Heta samy pačvarny budynak, jaki kali-niebudź zdymaŭ FBK, — zapeŭnivaje Navalny. — Ale vielizarny. 1046 mietraŭ. I kaštuje niamała. Ziamli taksama prystojna — 60 sotak».
«Samy pačvarny budynak»
Źniataja i znakamitaja viła Sałaŭjova na voziery Koma. «Jon jaje nie budavaŭ, a prosta kupiŭ, tamu viła praŭda kłasnaja. Upieršyniu na ekranach», — piša Navalny.
Admietna, što Sałaŭjoŭ jašče i paśpieŭ aformić paśviedčańnie rezidenta Italii.