U niadzielu, 1 kastryčnika, kala 23 hadzin 20 chvilin na hruntavoj darozie, jakaja viadzie ad vioski Dvarec da Viarchovičaŭ na Kamianieččynie, sutyknulisia matacykły MMVZ, jakim kiravaŭ 34-hadovy žychar Dvarca, i «Iž Płanieta-2», na jakim jechaŭ 19-hadovy žychar Kamianieckaha rajona. Pavodle papiaredniaj infarmacyi DAI Bresckaj vobłaści, matacykły ruchalisia nasustrač adzin adnamu i sutyknulisia «łob u łob».
«U vyniku DTZ kiroŭcy i 32-hadovaja pasažyrka matacykła MMVZ atrymali roznyja traŭmy noh i špitalizavany ŭ balnicu. Paciarpiełych vyjavili tolki ranicaj, kala 6 hadzin 30 chvilin, kiroŭcy, jakija prajazdžali mima.
Pravierka vyjaviła, što za rulom matacykła MMVZ znachodziŭsia kiroŭca, pazbaŭleny prava kiravać TS, jaki da taho ž znachodziŭsia ŭ stanie ałkaholnaha apjanieńnia — 1,8 pramile. Stała viadoma, što mužčyna nieadnarazova pryciahvaŭsia da adkaznaści za kiravańnie TS u stanie ałkaholnaha apjanieńnia, u tym liku sudzimy pa č. 1 art. 317 KK Respubliki Biełaruś.
A 19-hadovy kiroŭca «Iž Płanieta-2» taksama akazaŭsia biaspraŭnikam.
Pa słovach paciarpiełych, kiroŭcy ruchalisia biez uklučanaha śviatła. Taksama akazałasia, što ŭsie ŭdzielniki avaryi byli biez šlemaŭ.
Pa fakcie DTZ pravodzicca pravierka», — havorycca ŭ paviedamleńni DAI.
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym4
Kamientary