Ułady Katałonii nazvali terminy rašeńnia pra abviaščeńnie niezaležnaści

Kiraŭnik urada Katałonii Karles Pučdemon zajaviŭ pra toje, što miascovyja ŭłady abvieściać rašeńnie pra abviaščeńnie niezaležnaści aŭtanomii ciaham 24 hadzin paśla publikacyi vynikaŭ refierendumu. Pra heta jon paviedamiŭ padčas pres-kanfierencyi paśla nadzvyčajnaha pasiadžeńnia ženieralitata (urada Katałonii), pieradaje La Vanguardia.

Padčas vystupu Pučdemon, u pryvatnaści, zapatrabavaŭ vyvadu z terytoryi aŭtanomii Nacyjanalnaj palicyi i Hramadzianskaj hvardyi Ispanii. Paśla biesparadkaŭ, jakija adbylisia padčas refierendumu, ułady rehijona, pa jaho słovach, «vyrašyli stvaryć śpiecyjalnuju kamisiju dla rasśledavańnia parušeńniaŭ asnoŭnych pravoŭ» miascovych žycharoŭ. U hety orhan, jak dadaŭ kiraŭnik ženieralitata, pavinny buduć uvajści «ekśpierty i členy jurydyčnaj kamandy ŭrada» Katałonii.

«Ja miarkuju, što my zasłužyli prava być pačutymi, kab [na našy prablemy] naŭprost źviartali ŭvahu jeŭrapiejskija instytuty», — taksama adznačyŭ Pučdemon.

Kanflikt pamiž Barsiełonaj i Madrydam jon nazvaŭ «nie ŭnutranaj spravaj» adnoj krainy. «Vidavočna, što [dla ŭrehulavańnia situacyi] nieabchodna pasiarednictva treciaha boku», — padkreśliŭ jon, dadaŭšy taksama, što dla hetaha «pavinien być stvorany klimat razradki».

Jakija mienavita krainy abo arhanizacyi, na jaho dumku, mahli b vystupić padobnymi pasiarednikami, Pučdemon nie ŭdakładniŭ.

Dadzienych pra toje, što takuju funkcyju moh by vykanać Jeŭrasajuz, va ŭładaŭ Katałonii, jak zaŭvažyŭ kiraŭnik ženieralitata, niama. Zrazumieła, što [dalej] usio tak nie moža praciahvacca», — skazaŭ taksama Pučdemon.

«Nielha admaŭlacca ad pasiarednictva hetak ža, jak i [nielha] adkidać dyjałoh», - adznačyŭ jon, padkreśliŭšy, što ŭ Barsiełonie nie bačyć «bolš efiektyŭny sposab» dla vyrašeńnia situacyi, čym pieramovy.

Adsutnaść dyjałohu pamiž Katałonijaj i mižnarodnymi arhanizacyjami Pučdemon nazvaŭ «častkaj pamyłki, jakaja zaklučajecca ŭ niepryznańni palityčnaj prablemy» u rehijonie. «Heta sapraŭdy adbyvajecca, i čym paźniej pryznać hetuju realnaść, tym budzie horš», — skazaŭ palityk, čarhovy raz adznačyŭšy važnuju, na jaho dumku, rolu Jeŭrasajuza va ŭrehulavańni situacyi. «Isnuje prablema, jakaja zakranaje ich [ES] naŭprost, i jany prosta nie mohuć hladzieć u druhi bok [i nia ŭbačyć hetaha]», — adznačyŭ jon.

«Ja nie abviaščaju niezaležnaść [rehijona prosta zaraz]», - taksama zaŭvažyŭ Pučdemon. «Urad [Katałonii] ŭśviadomiŭ, što nastaŭ čas źviarnucca da pasiarednictva», — skazaŭ na zakančeńnie kiraŭnik ženieralitata.

• 0
• 0
• 0
• 0
• 0
• 0
• 0
• 0