Vialikabrytanija pavinna paskoryć praces pieramovaŭ z Brusielem pa Brexit, kab zabiaśpiečyć dastatkovy dla pierachodnaha pieryjadu termin praciahłaściu kala dvuch hadoŭ, jaki dazvolić kampanijam adaptavacca da novych realij. Pra heta zajaviŭ brytanski ministr finansaŭ Filip Chamand ŭ Mančestery, dzie prachodzić štohadovy źjezd kirujučaj Kansiervatyŭnaj partyi, paviedamlaje DW.
«My ŭsie rasčaravanyja tym, nakolki pavolnym byŭ prahres u apošnija miesiacy», — skazaŭ Chammond telekanału ITV. «Nieabchodna vyrašyć karotkaterminovuju prablemu, źviazanuju ź niavyznačanaściu vakoł hetaha pracesu, nadaŭšy paskareńnie dyjałohu», — padkreśliŭ ministr.
Pry hetym Chamand paśpiašaŭsia źmikšyravać supiarečnaści, jakija isnujuć u kabiniecie premjera Terezy Mej pa pytańni ab vychadzie Łondana ź ES. Jon adznačyŭ, što patrabavańni kiraŭnika MZS Barysa Džonsana, jaki vystupaje za bolš žorstkuju pazicyju Vialikabrytanii na pieramovach, dobra viadomyja. Tym nie mienš, pa słovach ministra finansaŭ, Džonsan całkam padtrymlivaje kurs, abrany ŭ hetym pytańni kiraŭnikom urada.
U kancy vieraśnia stała viadoma, što čarhovy raŭnd pieramovaŭ ab majučym adbycca vychadzie Vialikabrytanii sa składu Jeŭrapiejskaha Sajuza byŭ niedastatkova efiektyŭnym, kab baki pierajšli da abmierkavańnia dalejšych adnosin ES i Łondana, u tym liku ŭ śfiery handlu. Pa słovach staršyni Jeŭrarady Donalda Tuska, vidavočna, što faza, u jakoj Vialikabrytanija chacieła atrymać usio, nie dajučy ničoha naŭzamien, skončyłasia.
-
Premjer Litvy: Sankcyi suprać Rasii i Biełarusi pavinny być chacia b rehijanalnymi, nacyjanalnyja biez tołku
-
Hłamurny kosmas. Džef Biezas adpraŭlaje siońnia ŭ kosmas svaju niaviestu i jašče piać žančyn
-
Kyrhyzstan uručyŭ notu pratestu rasijskamu pasłu paśla abłavy i žorstkaha źbićcia svaich hramadzian u maskoŭskaj łaźni
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym4
Kamientary