Śpiavačka z hurta IOWA Kacia Ivančykava i Sierž Tankian, lidar suśvietna viadomaj armiana-amierykanskaj kamandy System Of A Down zapisali sumiesny trek «Cudoŭnaja ranica, kab pamierci/A Fine Morning To Die». Pieśnia stanie zahałoŭnaj kampazicyjaj saŭnd-treka dla rasijskaha filma-fentezi «Lehienda pra Kałaŭrata».
mtv.com
Dahetul muzyki nie byli znajomyja. Tankian asabista prasłuchaŭ niekalki rasijskich śpiavačak, ale najbolš jamu spadabałasia maniera śpievaŭ biełaruski Ivančykavaj. Kacia ŭ svaju čarhu kaža, što jana vyrasła na muzycy System Of A Down, i list z prapanovaj zapisać duet da filma staŭ poŭnaj niečakanaściu.
Pieśnia napisanaja Tankianam, jaki źjaŭlajecca asnoŭnym kampazitaram filma. Nad tekstam pracavali Jaŭhien i Dźmitryj Rajeŭskija i Kacia Ivančykava. Partyja Sierža zapisvałasia ŭ Łos-Anželesie, Kacia pisała svoj vakał u Pieciarburhu.
«Ja maryŭ pra taki prajekt apošnija niekalki hadoŭ. Złučyć vialiki arkiestr, varjacki rok i etničnyja muzyčnyja matyvy — u hetym sensie maja mara spraŭdziłasia. Mahu śmieła zajavić, što nievierahodna hanarusia pracaj nad muzykaj da filma «Lehienda pra Kałaŭrata». I mnie było vielmi cikava i pryjemna pasupracoŭničać z Kaciaj, jana vielmi adoranaja muzyka».
