Kiraŭnik katałonskaj palicyi Žazep Łuis Trapiera paŭstaŭ u piatnicu pierad sudom u Madrydzie: jaho padazrajuć u niepadparadkavańni, piša VVS.
EPA
Palicyja Katałonii abvinavačvajecca ŭ nievykanańni abaviazkaŭ pa achovie supracoŭnikaŭ nacyjanalnaj palicyi Ispanii ad udzielnikaŭ pratestaŭ pierad refierendumam ab niezaležnaści 1 kastryčnika.
U jakaści padazravanych u sud vyklikanyja taksama dva hałoŭnyja aktyvisty ruchu za niezaležnaść Katałonii i jašče adzin supracoŭnik katałonskaj palicyi.
Refierendum ab niezaležnaści Katałonii, jaki prajšoŭ u niadzielu, byŭ pryznany niezakonnym.
Słuchańni prachodziać u nacyjanalnym kryminalnym sudzie ŭ Madrydzie. Sprava tyčycca sutyknieńniaŭ ispanskaj palicyi z tysiačami prychilnikaŭ niezaležnaści Katałonii pierad budynkam rehijanalnaha ministerstva ekanomiki ŭ Barsiełonie 20 vieraśnia.
Ispanskaja hazieta El Pais nazvała vyłučanyja suprać katałonskaj palicyi abvinavačvańni ekstraardynarnymi ŭ sučasnaj historyi demakratyi ŭ Ispanii i niečuvanymi z časoŭ dyktatury Franka.
Artykuł ab adkrytym niepadparadkavańni ŭładam, jaki byŭ uniesieny ŭ kryminalny kodeks Ispanii ŭ 1822 hodzie, praduhledžvaje turemny termin da 15 hadoŭ. Adkrytym niepadparadkavańniem ličacca dziejańni, nakiravanyja suprać dziaržaŭnych rašeńniaŭ abo nacyjanalnych sił biaśpieki.
U žniŭni, paśla teraktu ŭ Barsiełonie, katałonskuju palicyju, naadvarot, ušanoŭvali za chutkuju likvidacyju jačejki isłamistaŭ.
