Jak stała viadoma «Našaj Nivie», try tydni tamu, naprykancy vieraśnia, u Smarhoni zastreliŭsia małady lejtenant-pahraničnik.
Pa našaj infarmacyi, chłopcu było 22 hady, jon byŭ hetak zvanym «tyłavikom», načalnikam rečyŭnaj słužby vučebnaha centru Instytuta pahraničnaj słužby — zusim niadaŭna skončyŭ Hrodzienski ŭniviersitet u intaresach Pahraničnaha kamitetu.
U dzień trahiedyi małady lejtenant viartaŭsia z naradu, zajšoŭ za budynak i streliŭ sabie ŭ hałavu.
Pryčyny pakul niezrazumiełyja. Kalehi kažuć, što nie vyklučany varyjant niaŭdałaha kachańnia na fonie praciahłaj depresii.
Varta adznačyć, što papiaredniaje samazabojstva pahraničnika — taksama ŭ Smarhoni ŭ 2015 hodzie — było vyklikana siamiejnymi pryčynami.
Dadamo, što pahraničnyja vojski ličacca elitnymi, tam vyklučanyja dziedaŭščyna i pabory, jak toje było ŭ Piečach.
Kamientary