Mižnarodny fond prafinansuje restaŭracyju sinahohi XVII stahodździa ŭ Słonimie. Pra heta stała viadoma padčas vizitu zamiežnaj delehacyi, paviedamili BiełTA ŭ adździele ideałahičnaj raboty, kultury i pa spravach moładzi Słonimskaha rajvykankama.
wikipedia.org
Pytańni pa vykanańni restaŭracyjnych rabot z kiraŭnictvam rajvykankama abmierkavali vykanaŭčy dyrektar fondu jaŭrejskaj spadčyny Majkł Mejł, člen brytanskaha karaleŭskaha tavarystva mastactvaŭ i dyrektar mižnarodnaj dabračynnaj arhanizacyi The Together Plan Debra Bruner, staršynia mižnarodnaj hramadskaj dabračynnaj arhanizacyi «Dyjałoh» Artur Liŭšyc. Heta nie pieršaja padobnaja sustreča. Sumiesnyja kroki ŭ hetym kirunku abmiarkoŭvalisia ŭ lipieni 2017 hoda: užo tady brytanski bok pravioŭ zbor srodkaŭ na pačatak pieršaha etapu rekanstrukcyi.
Budynak sinahohi raźmieščany ŭ samym centry Słonima. Pabudavany jon u siaredzinie XVII stahodździa. Ciapier budynak zakansiervavany, raniej tut byŭ abnoŭleny dach. Unutry zachavalisia aryhinalnyja elemienty interjeru. U pierśpiektyvie tut stvorać muziej.
«U Słonimie raniej jaŭrei składali bolš za 80% nasielnictva. I siońnia na radzimu svaich baćkoŭ, dziadoŭ i pradziedaŭ pastajanna pryjazdžajuć naščadki ź inšych krain. Mnohija ź ich naviedvajuć były budynak sinahohi. Muziej jaŭrejskaj kultury moža stać adnym z abjektaŭ nabirajučaha ciapier papularnaść pakłonnaha turyzmu i pryciahnuć u horad dadatkovych haściej», — adznačajuć u rajvykankamie. Tam padkreślili, što ciapier viaducca prajektnyja raboty.
Taksama ŭdzieł u finansavańni rekanstrukcyi płanuje pryniać Słonimskaja Jaŭrejskaja asacyjacyja ŭ Izraili.
KDB aktyŭna viarbuje palitviaźniaŭ, vyzvalenych pa pamiłavańni — pravaabaroncy8
Kamientary