U zimovym siezonie «Biełavija» pavialičyć kolkaść rejsaŭ u Maskvu, Varšavu i Stambuł. Pra heta paviedamiŭ siońnia namieśnik hienieralnaha dyrektara nacyjanalnaha avijapieravozčyka Ihar Čarhiniec pierad prezientacyjaj novaj formy adzieńnia ekipažaŭ kampanii, paviedamlaje BIEŁTA.
«Kaniec kastryčnika — heta pačatak zimovaha siezonu. Z navin u nas — pavieličeńnie kolkaści rejsaŭ u aeraport Žukoŭski ŭ Maskvie. Kali siońnia my vykonvajem 8 rejsaŭ u tydzień ź Minska, to ŭžo z 29 kastryčnika ich budzie 11. Pa tych taryfach, jakija vyklikali vialiki rezanans u klijentaŭ», — skazaŭ Ihar Čarhiniec.
Taksama jon anansavaŭ u novym siezonie pavieličeńnie kolkaści rejsaŭ ź Minska ŭ Varšavu i Stambuł. «Zima — dla avijacyi zaŭsiody siezon, źviazany z padzieńniem popytu. Tak što hetyja kirunki — kamiercyjna apraŭdanyja rašeńni», — dadaŭ jon.
