Mižnarodny rejtynh kinafilmaŭ, składzieny partałam ranker.com, vyznačyŭ filmy, jakija hledačy hatovyja pierahladać u luby čas dnia i nočy. Padborka sapraŭdy atrymałasia niadrennaja.
Pieršaje miesca zaniali adrazu try filmy, jakija składajuć tryłohiju «Nazad u budučyniu»». Historyi ab padarožžach u časie Doka i Marci vychodzili na ekrany ŭ 1985, 1989 i 1990 hh. I choć z momantu ich premjery prajšło amal try dziasiatki hadoŭ, cikavaść da stužak nie vyčerpvajecca.
Padobny entuzijazm vykazvaju hledačy u adnosinach jašče adnoj tryłohii — «Uładara piarścionkaŭ». Kinasaha i epičnyja bitvy nikoha nie pakidajuć abyjakavym.
Dalej iduć usie varyjacyi «Parku Jurskaha pieryjadu», pačynajučy ź pieršaha filma 1993 hoda i zakančvajučy abnaŭleńniem 2015 hoda.
Časta, pieraklučajučy kanały, hledačy spyniajucca i na jašče na adnoj stužcy Robierta Ziemiekisa — «Forest Hampie» z Tomam Chenksam u hałoŭnaj roli. Krychu adstali ad jaho usie džedai i ich antahanisty z «Zornych vojnaŭ» (jakija papoŭnilisia za apošnija hady jašče dźviuma stužkami).
Nikoha nie ździviać i jašče try lubimyja franšyzy — «Indyjana Džons», «Adzin doma» i «Terminatar» (asabliva druhi).
Adznačym taksama «Dzień surka», «Ucioki z Šoŭšenka», «Ciomny rycar», «Hary Poter», «Matryca», «Mocny arešak», «Ludzi ŭ čornym» i pieršyja filmy «Pirataŭ Karybskaha mora».
