Parłamient Katałonii prahałasavaŭ za rezalucyju, jakaja dekłaruje niezaležnaść ad Ispanii, paviedamlaje VVS.
Za niezaležnaść prahałasavali 72 deputaty, suprać vystupili 10, jašče dvoje ŭstrymalisia.
Premjer Ispanii Marjana Rachoj užo zajaviŭ, što zakonnaść u Katałonii budzie adnoŭlenaja. «Ja zaklikaju ŭsich ispancaŭ zachoŭvać spakoj», — napisaŭ jon u tvitary.
Napiaredadni prezident Katałonii Karles Pučdemon admoviŭsia ad patrabavańnia Madryda pravieści daterminovyja vybary.
Pavodle jaho słoŭ, jon nie zmoh atrymać ad urada Ispanii dastatkovyja harantyi taho, što hety krok praduchilić uviadzieńnie ŭ Katałonii naŭprostaha praŭleńnia z Madryda.
Urad Ispanii źbiarecca na pazačarhovaje pasiadžeńnie ŭ 18.00 miascovaha času, kab pryniać rašeńnie ab uviadzieńni pramoha kiravańnia ŭ aŭtanomnaj Katałonii.
«Ispanija - surjoznaja dziaržava i vialikaja nacyja, i my nie pacierpim sprobaŭ kupki ludziej pakvapicca na našu kanstytucyju», — skazaŭ Rachoj.
Akcyi najbujniejšych bankaŭ Katałonii rezka ŭpali ŭ piatnicu paśla abviaščeńnia niezaležnaści parłamientam aŭtanomii.
Staršynia Jeŭrapiejskaj rady Donald Tusk zajaviŭ, što Ispanija «zastajecca adzinym surazmoŭcam» dla ES.
«Dla ES ničoha nie źmianiłasia. Ispanija zastajecca našym adzinym surazmoŭcam. Ja spadziajusia, što ispanski ŭrad addaść pieravahu sile arhumientaŭ, a nie sile jak arhumientu», — napisaŭ Tusk u tvitary.
-
Premjer Litvy: Sankcyi suprać Rasii i Biełarusi pavinny być chacia b rehijanalnymi, nacyjanalnyja biez tołku
-
Hłamurny kosmas. Džef Biezas adpraŭlaje siońnia ŭ kosmas svaju niaviestu i jašče piać žančyn
-
Kyrhyzstan uručyŭ notu pratestu rasijskamu pasłu paśla abłavy i žorstkaha źbićcia svaich hramadzian u maskoŭskaj łaźni
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym4
Kamientary