AAT «Avijakampanija «Biełavija» ŭvodzić novy raskład ruchu samalotaŭ z 29 kastryčnika 2017 hoda pa 24 sakavika 2018 hoda, paviedamili ŭ pres-słužbie pieravozčyka.
U zimovym siezonie budzie pavialičanaja kolkaść rejsaŭ ź Minska ŭ Varšavu. Da piaci rejsaŭ u tydzień pa paniadziełkach, sieradach, čaćviarhach, piatnicach i subotach budzie dadadzieny šosty — pa niadzielach.
Taksama płanujecca pavieličeńnie kolkaści rejsaŭ pa maršrucie Minsk—Amsterdam—Minsk. Ciapier palacieć u Amsterdam i ź Minska, i nazad avijakampanijaj «Biełavija» možna budzie pa paniadziełkach, sieradach, čaćviarhach, piatnicach, subotach i niadzielach.
Akramia taho, avijakampanijaj zapłanavanaje pavieličeńnie palotaŭ u aeraport Žukoŭski Maskoŭskaj vobłaści. Zamiest 8 rejsaŭ u tydzień biełaruski pieravozčyk budzie vykonvać 11. Na dadzieny momant ź Minska ŭ Žukoŭski paloty vykonvajucca adzin raz u dzień, u piatnicu — dva razy. Druhi rejs u dzień budzie taksama dadadzieny pa aŭtorkach, čaćviarhach i niadzielach.
Płanujecca pavieličeńnie kolkaści rejsaŭ pa maršrucie Minsk—Stambuł—Minsk da piaci ŭ tydzień. Palacieć u Stambuł ź Minska i nazad avijakampanijaj «Biełavija» možna budzie pa paniadziełkach, aŭtorkach, čaćviarhach, piatnicach i niadzielach.
Z momantu startu zimovaha raskładu avijakampanija spynić vykonvać paloty pa maršrucie Minsk—Tehieran—Minsk.
Akramia taho, u avijakampanii nahadali, što z 29 kastryčnika «Biełavija» pierachodzić z vahavoj kancepcyi afarmleńnia bahažu na sistemu kolkaści miescaŭ. Źmieny datyčacca praviłaŭ pieravozki rehistravanaha bahažu, jaki zdajecca ŭ bahažnaje adździaleńnie pry rehistracyi na rejs. Zhodna z novaj kancepcyjaj, kožny pasažyr avijakampanii budzie mieć prava biaspłatna pieravieźci: u biznes-kłasie — 2 miesca bahažu, vahoj nie bolš za 32 kh kožnaje; u ekanamičnym kłasie — 1 miesca bahažu vahoj nie bolš za 23 kh; dzieci ad 2 da 12 hadoŭ — takaja ž norma pravozu rehistravanaha bahažu, jak dla darosłych pasažyraŭ; niemaŭlaty (da 2 hadoŭ) — 1 miesca nie bolš za 10 kh plus 1 dziciačaja składan vazok, abo 1 pieranosnaja kałyska, abo 1 dziciačaje aŭtamabilnaje kresła.
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym4
Kamientary