Jeŭrasajuz vyłučyŭ 500 tysiač jeŭra na rekanstrukcyju haradskoha stadyjona ŭ Ščučynie, paviedamlaje grodnonews.by.
Rajon vyjhraŭ čarhovy hrant Jeŭrasajuza ŭ ramkach prajekta «Transhraničnyja centry dyjałohu kultur Polščy, Biełarusi i Ukrainy». Z 360 pradstaŭlenych prajektaŭ byli zaćvierdžanyja tolki siamnaccać, u tym liku i prajekt adździeła adukacyi, sportu i turyzmu Ščučynskaha rajvykankama.
«Zhodna z raspracavanym prajektam, naš haradski stadyjon, uviedzieny ŭ ekspłuatacyju ŭ 1993-m i častkova rekanstrujavany ŭ 2015-m, u najbližejšyja dva hady čakajuć hrandyjoznyja pieramieny. Dla naviedvalnikaŭ budzie ŭstalavana bolš za 3200 novych płastykavych siadzieńniaŭ, nad hladackimi trybunami zmantavany śpiecyjalny vodaniepranikalny navies, unutry budynka całkam zamienienyja inžyniernyja kamunikacyi. Źmieniacca dušavyja i sanvuzły, trenierskija, raspranalni, i inšyja bytavyja pamiaškańni, źjavicca novaja mebla. Taksama płanujem dobraŭparadkavać prylehłuju terytoryju. Zaŭziataraŭ paraduje ličbavy ekran pamieram 6 na 3 mietry kala futbolnaha pola», — raspavioŭ hałoŭny śpiecyjalist adździeła adukacyi, sportu i turyzmu Ščučynskaha rajvykankama Ivan Hvazdoŭski.
Płanujecca, što «Alimp» paśla rekanstrukcyi stanie nie tolki spartyŭnym, ale i kulturna značnym abjektam: razam ź mižnarodnymi spabornictvami tut buduć prachodzić kancerty tvorčych kalektyvaŭ. Śpiecyjalna dla hetych metaŭ płanujecca nabyć vialikuju razbornuju scenu i mahutnaje hukavoje ŭzmacnieńnie ahulnym koštam 60000 rubloŭ.
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym4
Kamientary