Urad Rasii pašyryŭ śpis charčovych tavaraŭ, zabaronienych da ŭvozu ŭ krainu. Pra heta havorycca ŭ pastanovie, apublikavanaj na aficyjnym sajcie ŭrada. U dakumiencie śćviardžajecca, što «uviedzienyja abmiežavańni nie adabjucca na zabieśpiačeńni ŭnutranych patrebaŭ Rasii», paviedamlaje DW.
Zhodna z pastanovaj, da kanca 2018 hoda zabaronieny ŭvoz žyvych śviniej i śviežych, astudžanych abo zamarožanych charčovych subpraduktaŭ bujnoj rahataj žyvioły, śviniej, aviečak, koz, koniej, asłoŭ, mułaŭ abo kabył, a taksama pastaŭki žyviolnaha masła. Zabarona raspaŭsiudžvajecca na krainy ES, ZŠA, Kanadu, Aŭstraliju i Narviehiju, Ukrainu, a taksama Ałbaniju, Čarnahoryju, Isłandyju i Lichtenštejn.
Raniej zabarony na pastaŭki ŭ Rasiju žyvych śviniej uvodziŭ Raśsielhasnahlad pad padstavaj raspaŭsiudžvańnia ŭ šerahu jeŭrapiejskich krain afrykanskaj čumy śviniej.
Praduktovaje embarha dziejničaje ŭ Rasii sa 7 žniŭnia 2014 hoda ŭ adkaz na sankcyi ZŠA, ES, Aŭstralii, Narviehii i Kanady, uviedzienyja z-za rasijskaha ŭmiašańnia ŭ kanflikt na ŭschodzie Ukrainy. Za apošnija dva hady ŭ Rasii było źniščana 17 tysiač ton sankcyjnych praduktaŭ.
Pobač z Łukašenkam na chakiei źjaviłasia novaja pryhažunia10
Kamientary