Prezident ZŠA Donald Tramp raspavioŭ, čamu jon admoviŭsia ad užyvańnia ałkaholu i tytuniu, paviedamlaje CNN.
«U mianie byŭ brat, Fred. Vydatny chłopiec, samy pryhožy chłopiec, vydatny čałaviek, našmat lepšy za mianie. Ale ŭ jaho była prablema. U jaho była prablema z ałkaholem, i jon kazaŭ mnie: «Nie pi, nie pi ». Jon byŭ značna starejšy, i ja słuchaŭ jaho, i pavažaŭ jaho», — skazaŭ Tramp.
Jon adznačyŭ, što prysłuchaŭsia da parady brata i vyrašyŭ nie dakranacca da ałkaholu i tytuniu.
Fred Tramp — adzin z bratoŭ amierykanskaha prezidenta. Jon pakutavaŭ na ałkahalizm bolšuju častku svajho žyćcia i pamior u 1981 hodzie va ŭzroście 43 hadoŭ.
1
0
0
0
0
0
