Za kradziež aŭtamabila supracoŭniki kryminalnaha vyšuku Partyzanskaha RUUS stalicy zatrymali 19-hadovaha biespracoŭnaha žychara Minska.
Małady čałaviek, paviedamlaje pres-słužba HUUS Minharvykankama, viartaŭsia dadomu. Na zavułku Kazłova jamu spadabaŭsia aŭtamabil «VAZ 2101». Raźbiŭšy bakavoje škło, jon trapiŭ u sałon i pasprabavaŭ z dapamohaj dratoŭ zaviecci mašynu, ale nie zmoh. Paśla hetaha źniaŭ mahnitołu i nakiravaŭsia ź joj dadomu. Ale na vulicy Uralskaj jaho ŭvahu pryciahnuła jašče adna mašyna - «Žyhuli». Hetaja sproba zhonu apynułasia ŭdałaj. Adkryŭšy dźviery adkrutkaj, chłopiec trapiŭ u sałon, zavioŭ aŭto, a pa pryjeździe dadomu źniaŭ ź jaho akumulatar.
Dzień byŭ praciahnuty adpačynkam ź siabrami i śpirtnym. Uviečary maładomu čałavieku zdałosia, što skradzieny aŭtamabil jon niaŭdała pryparkavaŭ kala doma i paprasiŭ siabroŭ adahnać dalej, u mienš prykmietnaje miesca. Adnak sustrečy ź milicyjaj ŭsio roŭna paźbiehnuć nie ŭdałosia. Chłopiec byŭ zatrymany doma apieratyŭnikami kryminalnaha vyšuku Partyzanskaha RUUS stalicy. U ździejśnienym złamyśnik adrazu pryznaŭsia, a taksama raspavioŭ ab jašče adnoj niaŭdałaj sprobie kradziažu aŭto ŭ krasaviku hetaha hoda.
Raspačataja kryminalnaja sprava.
Biełaruskija siłaviki pryjechali zatrymlivać futbolnaha fanata na mašynie z rasijskimi numarami FOTAFAKT7
U Minsku prajšoŭ vajskovy parad dzietsadaŭcaŭ. Im kamandavaŭ chłopčyk u formie milicyi na elektramabili FOTA6
«Moj kachany nie čytaje naviny, kali jany napisanyja pa-biełarusku». Darja Caryk stała na abaronu ruskaj movy i pryplała navat Paźniaka103
Kamientary