Kala budoŭli šmatpakutnaha hatela la mienskaha cyrku praź niekalki hadoŭ źniali płot, jaki pierakryvaŭ vieładarožku, paviedamlaje tut.by. Z hetaj nahody abjekt naviedaŭ kiraŭnik stalicy Andrej Šorac. U suviazi z hetym simvaličny viełazajezd praviali čynoŭniki i pradstaŭniki novaha inviestara — rasiejskaha «Śbierbanku».
«Heta była adna z umovaŭ «Śbierbanku» Rasii, što [treba] maksimalna chutka zapuścić vieładarožku. Kab źniać dyskamfort, jaki niekalki hadoŭ adčuvali žychary i hości horadu», — skazaŭ Andrej Šorac.
Šmatfunkcyjanalny kompleks z elitnym hatelem kala cyrku pačynała ŭzvodzić kampanija «Elit Estejt», jakaja źjaŭlałasia daččynym pradpryjemstvam hrupy kampanij «Trajpł». Abjekt płanavali zdać jašče na 1 traŭnia 2014 hodu, da startu čempijanatu śvietu pa chakiei.
Ale budaŭnictva zatarmaziłasia. A ŭ 2016 hodzie i zusim spyniłasia z pryčyny finansavych prablem zakazčyka razam z zatrymańniem haspadara «Trajpła» Juryja Čyža.
U vyniku ŭ 2017 hodzie hatel adyšoŭ rasiejskamu Śbierbanku z dyskontam ŭ 47% za 50 miljonaŭ dołaraŭ. Zakančeńnie budaŭnictva hatelnaha kompleksu la cyrku zapłanavana na 31 śniežnia 2020 hoda.
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym3
Kamientary