Viciebski muziej źniaŭ z ekspazicyi chaładziec u vyhladzie hałavy Lenina
Hałava Lenina z chaładca ekspanujecca na vystavie «Druhoje pakaleńnie jość druhaja prastora. Čas žančyn» muziei «Viciebski centr sučasnaha mastactva». Ekspanat nie prastajaŭ i troch dzion, jak kiraŭnictva centra pryniało rašeńnie źniać jaho z vystavy.
«Drenna, kali ŭ hramadstvie nie razumiejuć ironii», - prakamientavała rašeńnie aŭtar instalacyi viciebskaja mastačka Anastasija Hančarova. — «Heta była nie palityčnaja akcyja, prosta postmadernisckaja kancepcyja. Rašeńnie źniać abjekt z ekspazicyi — nie bolš, čym niečyja strachi».
Razam z hałavoj Iljiča ŭ «Viciebskim centry sučasnaha mastactva» demantujuć jašče kala 20 rabot 9 aŭtaraŭ: mastaki vyrašyli padtrymać Anastasiju Hančarovu.
Vystava adkryłasia 1 listapada, ekspazicyju płanavali pakazvać da siaredziny śniežnia.
Instalacyja, jakaja vyklikała rezanans, nazyvajecca «12 nažoŭ u śpinu revalucyi»: na talercy staić hałava pravadyra revalucyi, zroblenaja z chaładca, a źvierchu - viaroŭki i čyrvonyja anučy. Anastasija Hančarova stvaryła hety abjekt u suaŭtarstvie z Paŭłam Jurkovym.
Spačatku pobač z talerkaj lažaŭ nož. Potym padčas vystavy jaho vyrašyli usadzić u hałavu Iljiča.
— Artefakt zvarany sa zvyčajnaha śvinoha chaładca z dadatkami — morkva, śpiecyi. Heta jadoma, ale niasmačna: spałučeńnie pierčanaha, tłustaha, žełacinavaha, nie abyšłosia i biez budmateryjalnych prymiešak i silikonu, - tłumačyć Hančarova. - Tamu adčuvańnie hidkaje. Anučy — aluzii na padranyja čyrvonyja ściahi i kryvavyja patoki: usio toje, što adbyvałasia paśla 1917 hoda. Užo šmat hadoŭ dla ŭsich nas nie sakret, što za čałaviek byŭ Lenin i čym dla mnohich stała revalucyja.
Ciapier čytajuć
Što Babaryka i Kaleśnikava adkazali na pytańni pra vajnu25
Kamientary