Fieministki adkazvajuć Kulinkoviču: «Čamu my pavinny zmahacca za panižeńnie ŭ pravach?»

Kali koratka, to jon abvinavačvaŭ fieministak u tym, što fieministki zmahajucca nie za roŭnyja pravy, a za pryvilei dla siabie. «Nie mazhi pavinny pieramahać, a pieršasnyja pałavyja prykmiety. Paroŭnu kab členaŭ i vahin», — nie abiraŭ słovy Alaksandr, adznačajučy, što mienavita mužčyn u hramadstvie dyskryminujuć, adnak «jany maŭčać, bo tak pryniata».

Hety rezki, ź leksikaj, jak u pacanoŭ na rajonie, post prailustravaŭ prorvu nieparazumieńnia, jakoje praciahvaje isnavać pamiž fieministkami i tymi, chto ich pohlady nie padtrymlivaje — mužčynami, u pieršuju čarhu.

Apošnija pahadžalisia z Kulinkovičam i skardzilisia na svoj los: u armiju zabirajuć tolki chłopčykaŭ, być mužnymi i maŭčać vučać tolki ich, na piensiju paźniej vychodzim taksama my, a kryminalny kodeks bolš žorstki mienavita da mužčyn. Akramia hetaha, mužčynam niama dzie chavacca ad hvałtu, a bolšaść i nie adpravicca žalicca na seksualnyja damahańni, bo macniej za heta.

Pavialičyć

Pavialičyć

Cikava, što ŭ hetaj situacyi mužčyny zaklikajuć źviarnuć na heta ŭvahu, byccam žančyny sami nie bačać usioj paŭnaty karcinki. Tak, usie vyšej ahučanyja prablemy isnujuć. Adnak čamu fieministki pavinny zmahacca za toje, kab usim było horš? Ci čamu jany pavinny zajmacca pradstaŭleńniem mužčynskich intaresaŭ? Mienavita hetyja pytańni ahučvali žančyny ŭ adkaz na post Kulinkoviča.

Ich pazicyju na hety kont dobra vykazała Julija Šarova, piedahoh i piśmieńnica, jakaja ciapier pracuje nad ramanam ź fieministyčnaj prablematykaj:

Pavialičyć

«Fieministkam lubiać zakidvać z nahody taho, što jany nie zmahajucca:

A) za śmiarotnuju karu dla žančyn;

B) za prymusovuju słužbu ŭ vojsku dla žančyn;

V) za roŭny ŭzrost vychadu na piensiju.

Maŭlaŭ, chočacie tolki pryvilejaŭ.

Ale śmiarotnaja kara pavinna być admienienaj dla ŭsich, vojska — pieraviedzienaje na kantraktnuju asnovu z dopuskam da słužby dla žančyn i z adkryćciom naboru dla žančyn na ŭsich śpiecyjalnaściach u Vajskovaj akademii (siońnia jana praktyčna zakrytaja dla dziaŭčat). Što da piensijaŭ, to treba zmahacca za narmalnuju dobraachvotnuju sistemu strachavańnia sa stabilnymi piensijnymi fondami, a nie za dopusk da supolnaha kazana, adkul možna siorbać čajnaj łyžačkaj. I adny fieministki hetuju supolnuju prablemu nie vyrašać…».

Čamuści da hetaha času fieminizm usprymajecca jak ruch, jaki stavić metaj pryhniot mužčyn, adnak pačytajcie jašče raz aznačeńnie — fieminizm — jon za roŭnyja pravy. I toje, što mužčyny žyvuć mienš, a vymušany pracavać bolš, toje, što jany abaviazany hublać čas u armii, navat kali nie chočuć i hetak dalej, z hetym nielha mirycca. Ale prasić žančyn zmahacca za toje, kab im było horš — heta jak spalvać dom susiedziaŭ, tamu što siońnia zhareŭ tvoj — niejak nierazumna i biessensoŭna.

• 0
• 0
• 0
• 0
• 0
• 0
• 0
• 0