Alimpijski čempijon 2008 hoda pa ciažkaj atletycy Andrej Aramnaŭ raskazaŭ u efiry tok-šou «Kožny z nas» na telekanale «Biełsat», što znachodzicca na «chatniaj chimii».
«U apošni raz mianie złavili daišniki ź nievialikim pieravyšeńniem ałkaholu ŭ kryvi. Jany zabrali ŭ mianie mašynu, ja trapiŭ pad kanfiskat. Dali mnie vialiki štraf i dva hady chatniaha aryštu. Za hety čas ja vielmi dobra ŭśviadomiŭ, što nie mieŭ racyi», — kaža Aramnaŭ.
Jaho ŭžo niekalki razoŭ raniej łavili na pjanym kiravańni.
Ciapier štanhist abaviazany znachodzicca doma kožny dzień nie paźniej za 20.00. Pakidać miežy Barysava jamu taksama pakul zabaroniena.
«Na dadzieny momant moj asnoŭny zarobak — viadu błoh u internecie i zdaju kvateru. A tyja srodki, jakija ja atrymlivaju za treniroŭki dziaciej… Heta, ja liču, dabračynnaść», — skazaŭ Andrej Aramnaŭ.
