Saudaŭskija ŭłady mohuć kanfiskavać da $ 800 młrd najaŭnymi i ŭ vyhladzie roznych aktyvaŭ u ramkach kampanii pa baraćbie z karupcyjaj, u jakoj zapadozryli členaŭ karaleŭskaj siamji i ministraŭ. Pra heta paviedaiła The Wall Street Journal sa spasyłkaj na znajomyja ź situacyjaj krynicy, piša RBK.
Pa dadzienych krynic haziety, na vychodnych byli zatrymanyja bolš za 60 pryncaŭ, čynoŭnikaŭ i inšych upłyvovych saudytaŭ. Raniej Centralny bank Saudaŭskaj Aravii zamaroziŭ bankaŭskija rachunki fihurantaŭ spraŭ ab karupcyi.
«Jany ličać, što mohuć atrymać ad hetych ludziej ad 2 da 3 tryljonaŭ ryałaŭ. Heta kolkaść, pra jakuju jany havorać», — pryvodzić hazieta słovy krynicy.
Bolšaja častka hetych hrošaj zachoŭvajecca za miažoj, što moža ŭskładnić praces ich kanfiskacyi, paviedamili krynicy haziety. Ale navat ich častka, pa acency WSJ, moža dapamahčy finansavamu stanovišču saŭdzitaŭ. Praciahły pieryjad nizkich cen na naftu vymusiŭ krainu zajmać hrošy i tracić srodki z reziervovaha fondu, jaki z 2014 hoda skaraciŭsia z $730 młrd da $487 młrd u žniŭni 2017 hoda.
Kamientary