Biełarusy stali prykmietna mienš atrymlivać z-za miažy hrašovych pierakazaŭ. Tak, u trecim kvartale hetaha hoda z-za miažy ŭ Biełaruś pastupiła praź mižnarodnyja sistemy hrašovych pierakazaŭ amal 82,6 miljona dołaraŭ, paviedamili ŭ Nacbanku, piša tut.by. Dla paraŭnańnia: u druhim kvartale hetaha hoda hetaja suma skłała 101,2 miljona dalaraŭ, a ŭ pieršym - 94,3 miljona.
U siarednim adzin pierakaz z-za miažy ŭ trecim kvartale skłaŭ 305,51 dalara, u druhim - 346,14 dalara, a ŭ pieršym - 349,55.
Pry hetym biełarusy stali bolš hrošaj adpraŭlać za miažu. Kali ŭ druhim kvartale ahulnaja suma pierakazaŭ za miažu skłała 40,4 miljona dołaraŭ, to ŭ trecim - 45,4 miljona.
Nahadajem, biełarusy apynulisia ŭ lidarach pa ŭzroŭni zarpłaty siarod pracoŭnych mihrantaŭ, jakija pryjazdžajuć u Rasiju. Pry hetym našy suajčyńniki, pavodle apytańnia, stali radziej adpraŭlacca na zarobki ŭ susiedniuju krainu.
Pavodle acenak ekśpiertaŭ Instytuta sacyjałohii pry NAN Biełarusi, u ciapierašni čas šukajuć pracu za miažoj nie mienš za 8-10% biełarusaŭ. Kali ich namahańni skončacca pośpiecham (a popyt na ich dosyć vialiki), našu ekanomiku čakajuć surjoznyja ŭzrušeńni.
