Irakskija siły, jakija padtrymlivajucca ZŠA, pačali nastup na horad Rava, apošni bujny nasieleny punkt pad kantrolem tak zvanaj Isłamskaj Dziaržavy, paviedamlaje BBC.
Paśla taho, jak na minułym tydni irakskija vojski adnavili kantrol nad bolš bujnym horadam Al-Kaim, pad kantrolem terarystaŭ ID ŭ Iraku zastajecca adzin horad i niekalki drobnych pasieliščaŭ.
Pavodle dadzienych kaalicyi, jakuju uznačalvaje ZŠA, ciapier ID vyhnanaja z prykładna 95% terytoryj, jakija jana raniej kantralavała ŭ Iraku, i bolš za 4,4 miljona irakcaŭ byli vyzvalenyja ad jaje kiravańnia.
Adnak brytanski aficer Karaleŭskich pavietranych sił, adkazny za kaardynacyju bombavych udaraŭ pa bajevikach, kamador Džoni Strynhier zajaviŭ žurnalistam u Łondanie, što ID blizkaja da razhromu — ale nie pieramožanaja.
«Jana amal napeŭna pieratvorycca ŭ paŭstanckuju arhanizacyju», jakaja pasprabuje pačać novyja ataki ŭ dźviuch krainach, pakolki ŭ Siryi ID kantraluje značna bolšyja płoščy, niahledziačy na vialikija terytaryjalnyja straty z pačatku hoda.
Kamientary