10 listapada Apostalski nuncyj u Biełarusi, arcybiskup Habar Pinter byŭ pryniaty na aŭdyjencyi ŭ Vatykanie papam Franciškam. Padčas sustrečy abmiarkoŭvalisia roznyja pytańni, u tym liku mahčymy vizit Franciška ŭ Biełaruś, paviedamlaje Radyjo Vatykana.
«Mahu paćvierdzić, što havorka išła taksama i pra heta. My šmat pracujem, kab vizit adbyŭsia. Chaču paprasić usich radyjosłuchačoŭ malicca ŭ hetaj intencyi, bo situacyja jašče nie zusim idealnaja, ale my spadziajemsia, što chutka hety momant nastupić. Usie hetaha žadajuć, my ŭsie hetaha žadajem», — dadaŭ jon.
Pa słovach arcybiskupa Pintera, aŭdyjencyja prajšła ŭ vielmi ciopłaj i stanoŭčaj atmaśfiery. Pantyfik uraziŭ svajho dypłamatyčnaha pradstaŭnika hłybokim viedańniem situacyi ŭ Biełarusi.
«Da majho vialikaha zachapleńnia, Papa vielmi dobra painfarmavany ab Biełarusi. Kaniešnie, ja viedaŭ ab hetym, bo ŭžo ŭ minułym hodzie my ź im razmaŭlali, paśla majho pryznačeńnia, i ja mieŭ mahčymaść pierakanacca, što jon dobra raźbirajecca. Ale ŭ hety raz jon mianie ŭraziŭ tym, što jaho viedy vielmi padrabiaznyja i detalnyja. Jon ź vialikaj uvahaj sočyć za padziejami ŭ Biełarusi», - skazaŭ ijerarch.
Bližejšym časam buduć vyzvaleny bolš za 150 palitźniavolenych39
Kamientary