Telekanał RT (Russia Today) zarehistravaŭsia ŭ ZŠA ŭ jakaści zamiežnaha ahienta. Pra heta paviedamiła hałoŭny redaktar kanała Marharyta Simańjan.
«U situacyi vybaru pamiž kryminalnaj spravaju i rehistracyjaj my vybrali apošniaje», napisała rasiejskaja čynoŭnica ŭ svaim tvitary
Marharyta Simańjan ŭ siaredzinie kastryčnika paviedamiła, što amierykanskija ŭłady zapatrabavali ad RT zarehistravacca ŭ jakaści zamiežnaha ahienta. Takoje patrabavańnie, zhodna z zakanadaŭstvam ZŠA, pradjaŭlajuć da kampanij, jakija pracujuć u intaresach inšych dziaržaŭ. Amierykanskija śpiecsłužby ličać, što rasiejskija ŭłady vykarystoŭvali RT dla ŭmiašańnia ŭ chod prezidenckich vybaraŭ u ZŠA.
Zakon pra zamiežnych ahientaŭ byŭ pryniaty ŭ ZŠA ŭ 1938 hodzie, kab abmiežavać dziejnaść ahitataraŭ na karyść hitleraŭskaj Hiermanii.
U adkaz na patrabavańni amierykanskich uładaŭ, Rasieja vyrašyła pryniać miery suprać zamiežnych ŚMI ŭ adkaz. Duma zaniałasia raspracoŭkaj papravak, zhodna ź jakimi zamiežnyja ŚMI mohuć być pryznanyja zamiežnymi ahientami ŭ Rasii. Jak zajavili siońnia, papraŭki zakranuć «Hołas Amieryki», «Radyjo Svaboda», CNN i Deutsche Welle.
Kamientary