Prezident Małdovy Ihar Dadon zajaviŭ, što dla Prydniastroŭja nierealna atrymać niezaležnaść ci stać subjektam Rasijskaj Fiederacyi.
«Usie viedajuć pra maju pazicyju fiederatyŭnaha dziaržaŭnaha ładu. Ale nasamreč usio roŭna, jak heta budzie nazyvacca: fiederacyja, aŭtanomija i h.d. Važna, čym hety status budzie napoŭnieny. Ja liču, što ŭsie paŭnamoctvy, jakija siońnia jość u Prydniastroŭja, jamu treba pakinuć. Parłamient, prezidenta, urad, ściah. I z prydniastroŭskaha biudžetu my ni kapiejki brać nie pavinny. u nas pavinna być ahulnaja dziaržaŭnaść, ahulnaja biudžetnaja, bankaŭskaja sistemy, ahulnaja źniešniaja palityka … Ahulnyja miežy», — zajaviŭ Dodon u intervju «Niezavisimoj hazietie», piša ria.ru.
Pavodle jaho słoŭ, «dla abjadnańnia krainy jość dźvie pieradumovy: niejtralitet, pryznany mižnarodnymi hulcami (idealna — jak u Turkmienistanie)». «I jašče adno: my pavinny dać Prydniastroŭju prava na samavyznačeńnie ŭ vypadku straty Małdovaj svajoj dziaržaŭnaści. Choć ja ŭpeŭnieny, što paśla abjadnańnia krainy ŭ Małdovie ŭžo nikoli nie budzie praunijanisckaj (jakaja vystupaje za abjadnańnie z Rumynijaj) ułady», - skazaŭ Dadon.
Na jaho dumku, «možna damovicca ź Ciraspalem, u jaho dva scenary: albo stać častkaj Ukrainy, albo Małdovy».
«Upeŭnieny, što dla Prydniastroŭja lepš być častkaj Respubliki Małdova. Atrymać niezaležnaść ci stać subjektam Rasijskaj Fiederacyi dla Prydniastroŭja nierealna», — skazaŭ Dadon.
-
Kaja Kałas — biełarusam: Vy možacie raźličvać na Jeŭrapiejski sajuz. Bolšaść krain ES vyjšli z chałodnaha aŭtarytarnaha minułaha
-
Na Teneryfie hihanckaja chvala zabrała žyćci troch turystaŭ
-
Praz zachrasłyja ŭ Biełarusi litoŭskija hruzaviki ŭ Vilni projdzie pratest pieravozčykaŭ— furami zastaviać centr horada
Ciapier čytajuć
«Byŭ hałodny, jak z Aśviencima, nie jeŭ ni miasa, ni harodniny». Što viadoma pra śmierć babrujskaha žurnalista, na jakoha zaviali kryminalnuju spravu ŭ Polščy1616
Kamientary