Cieła mužčyny z prykmietami hvałtoŭnaj śmierci znajšli ranicaj 13 listapada ŭ 10:20 u jahonaj kvatery.
Na miesca vyjechała milicyja, śledčyja.
«Padčas ahladu kvatery zafiksavanyja množnyja ślady, pakinutyja na miescy złačynstva. Kanfiskavanyja frahmienty mierkavanaj pryłady złačynstva, pa jakich pryznačanyja ekśpiertnyja daśledavańni», — paviedamili ŭ SK.
Darečy, mierkavanaja pryłada złačynstva — draŭlany zedlik, akryvaŭlenyja pareštki jakoha znajšli ŭ kvatery.
Chutčej za ŭsio, zahinułaha źbivali im: pavodle papiaredniaha zaklučeńnia sudova-miedycynskaj ekśpiertyzy, śmierć nastupiła ŭ vyniku množnych paškodžańniaŭ hałavy, tułava, kancavin.
U jakaści padazravanych zatrymali čaćviarych znajomych zahinułaha, troch žančyn i mužčynu. Pakul što ź imi pracujuć śledčyja.