U Hrodnie zakryli halereju «Kryha» — tamtejšy anałah staličnaj «Halerei Ŭ»
Hrodzienskaja halereja «Kryha» spynić svajo isnavańnie. Pra heta «Našaj Nivie» paviedamiŭ stvaralnik prastory, kaval Juraś Macko.
Siońnia ŭ «Kryhu» pryjšli supracoŭniki ŽREU, ŽESa ŭ supravadžeńni milicyi i paviedamili arandataru Jurasiu Macko, što damova arendy razarvanaja i jon pavinien vyzvalić pamiaškańnie.
57-hadovy Juraś Macko — viadomy haradzienski kaval i mastak, člen Sajuza mastakoŭ.
U «Kryzie» prachodzili vystavy, sustrečy ź cikavymi ludźmi. Heta byŭ svajho kštałtu hrodzienski anałah mienskaj «Halerei Ŭ». U susiednim pamiaškańni mieścicca Centr haradskoha žyćcia — hramadzianskaja inicyjatyva, što zajmajecca anałahičnaj dziejnaściu, mnohija imprezy «Kryha» i Centr haradskoha žyćcia ładzili razam.
Ciapier u «Kryzie» prachodzić vystaŭka mahiloŭskich mastakoŭ Andreja Varabjova i Aksany Jeŭdakimienka. 20 listapada mieła adbycca sustreča z movaznaŭcam Aleham Trusavym.
Kaval Juraś Macko arandavaŭ pamiaškańnie, u jakim mieściłasia «Kryha», u horada. Viasnoj hetaha hoda damova arendy była padoŭžanaja.
Farmalnaj začepkaj dla zakryćcia «Kryhi», kaža Macko, stała časova zabitaje hipsakardonam — «hadoŭ 5 tamu» — akno. Heta było patrebna dla lepšaj erhanomiki pamiaškańnia, kab była dadatkovaja vystavačnaja prastora. Ale ciapier heta dało padstavy dla abvinavačvańnia ŭ niezarehistravanaj pierapłaniroŭcy.
Viarnuć pamiaškańnie ŭ raniejšuju płaniroŭku, pa słovach Macko, nichto nie patrabavaŭ.
Ci źviazanaje vyhnańnie «Kryhi» ź lekcyjaj rasijskaha prafiesara-anarchista, jakaja niadaŭna mieła tam adbycca i jakomu ŭłady vystupić nie dali? Ciažka skazać. «Nichto pra heta ničoha nie kazaŭ, mahčyma, heta była adna z kropiel», — kaža Juraś Macko. Aficyjnych papier, jakija stali padstavaj dla razryvu damovy arendy, Macko pakul nie bačyŭ.
***
Na telehram-kanał «Našaj Nivy» možna padpisacca tut.
Zavadčanin Ihar, jaki viartaŭsia dadomu buchim, upieršyniu ŭ žyćci jedzie za miažu. A jašče jon chałasty7
Kamientary