Biełaruski bajec MMA vyjhraŭ turnir i na pryzavyja hrošy zładziŭ śviata ŭ dziciačym prytułku
Niadaŭna biełaruski bajec źmiašanych adzinaborstvaŭ (MMA) Vadzim Kucy vyjhraŭ turnir Academy MMA Cup u svajoj katehoryi, za paŭtary chviliny adoleŭšy ispanca Chaŭjera Fuentesa.
Atrymaŭšy hanarar za pieramohu, Kucy paabiacaŭ sabie achviaravać hrošy ŭ dziciačy prytułak.
Daviedaŭšysia pra takoje žadańnie, jamu vyrašyli dapamahčy jašče z tuzin ludziej — znajomych i spartoŭcaŭ. I ŭžo ŭ minułuju niadzielu chłopcy zładzili śviata dla dziaciej z sacyjalnaha prytułku Pieršamajskaha rajona Minska.
Pra heta ciapier havoryć usia spartovaja supolnaść.
«Ja nie mahu ahučvać sumu hanarara, jakuju vydatkavaŭ. — skazaŭ «Našaj Nivie» Kucy. — heta naŭrad ci spadabajecca kiraŭnictvu. A čamu ja tak zrabiŭ? Pa-pieršaje, hety prytułak praz darohu ad zały, dzie ja treniravaŭsia ŭ dziacinstvie. Ja vosiem hod tudy chadziŭ, biehaŭ tam, hulaŭ, bačyŭ hetych dziaciej i razumieŭ, što im mała paščaściła. Nu i potym, jak pastaleŭ, pryjšło žadańnie dapamahčy. Pa-druhoje, heta byŭ moj pieršy boj u Minsku — raniej biŭsia za miažoj, tamu vyrašyŭ, što kali doma pieramahu — to addam usio dzieciam».
«My pieradali televizar, fotaaparat, karaokie-sistemu, mikrafon i kałonki, spartovy invientar. Sadaviny niedzie na 100 kiłahram, cukierki… My taksama daryli kožnamu zimovy kamplekt vopratki: šapka, kurtka, švedar, štany, majka, palčatki… Plus letni abutak: krasoŭki ci šlopancy. Cacka kožnamu ŭ padarunak, nu i šoŭ-prahrama była: dva chaski ŭziali, kab dzieci mahli cackacca ź imi, akvahrym byŭ, animatar byŭ, kłoŭny i fokuśnik, i adna dziaŭčyna biaspłatna majstar-kłas praviała», — padsumavaŭ bajec.
Samomu Vadzimu Kucamu 26 hadoŭ, u MMA jon pravioŭ 12 bajoŭ, u 11 pieramoh.
Ciapier čytajuć
«Vielmi dobra razumieju biełaruskuju movu. Navat nie dumaŭ». Źjaviłasia VIDEA razmovy biełaruskich palitviaźniaŭ ź Zialenskim17
«Vielmi dobra razumieju biełaruskuju movu. Navat nie dumaŭ». Źjaviłasia VIDEA razmovy biełaruskich palitviaźniaŭ ź Zialenskim
Babaryka i Kaleśnikava pahavaryli ź Inhaj Ruhinienie i zaklikali Litvu «dałučycca da dypłamatyčnych namahańniaŭ ZŠA» i «nie prapuścić akno mahčymaściej»3636
Kamientary