Biznes dla biznesu: u Biełarusi startavaŭ adukacyjny videaprajekt dla maładych pradprymalnikaŭ
Biełaruskija biznesoŭcy, narešcie, zahavaryli pra toje, z čym jany sutykajucca kožny dzień. Pra prablemy, jakija jany vyrašajuć ŭvieś čas, pra dapuščanyja pamyłki, pra biazhłuzda zmarnavany čas i pra acenki novych idej. Bolš za 15 uładalnikaŭ kampanij i top-mieniedžaraŭ uziali ŭdzieł u adukacyjnym videaprajekcie «Biznes dla biznesu», meta jakoha — ablehčyć žyćcio pačatkoŭcaŭ-pradprymalnikaŭ, dać adkazy na pytańni, ź jakimi abaviazkova sutykajecca luby biznesoviec.
Pieršymi ŭdzielnikami prajekta stali: akcyjanier Belkanton Group Vachtanh Achvledzijani, suzasnavalnik karparacyi M8 Viktar Makaŭčuk, suzasnavalnik sietki kafe Garage Aleh Parečyn, suzasnavalnik i dyrektar Terragroup Vital Kryŭko, saŭładalnik internet-kramy 21vek.by Siarhiej Vajniłovič i inšyja viadomyja biełaruskija biznesmieny.
«Vypuskniki prahramy Executive MBA Biznes-škoły IPM — heta tyja ludzi, jakija šmat u čym sfarmavali biełaruski biznes takim, jaki jon jość. U ich vielizarny dośvied uźlotaŭ i padzieńniaŭ i ich staŭleńnie da takich rečaŭ, jak čas, lidarstva, idei — vynik hetaha dośviedu. U novym adukacyjnym prajekcie havorka idzie pra toje, da čaho ŭłaśniki i kiraŭniki biznesu pryjšli mietadam sprob i pamyłak i što vyprabavana na praktycy. I heta robić jaho asabliva kaštoŭnym», — adznačaje Pavieł Daniejka, hienieralny dyrektar Biznes-škoły IPM, jakaja pačała videaprajekt.
«Biznes dla biznesu» — heta asobnyja filmy praciahłaściu ad 8 da 12 chvilin kožny, u jakich biełaruskija biznesmieny adkryta adkazvajuć na pytańni, jakija tyčacca jak niepasredna biznesu, tak i asabistaha bačańnia roznych aśpiektaŭ žyćcia pradprymalnika. Pieršy cykł rolikaŭ pad nazvaj «Biznes i ideja» ŭžo vykładzieny ŭ adkryty dostup na śpiecyjalna stvoranym kanale youtube.
Prezientacyja prajekta adbyłasia ŭ ramkach viečara sustrečy vypusknikoŭ prahramy Executive MBA Biznes-škoły IPM. Kiraŭnik prahramy Natalla Makajeva, anansujučy «Biznes dla biznesu», padkreśliła, što «padzialicca svaimi viedami i pačać samim Farmiravać biełaruskaje biznes-asiarodździe — heta ŭžo misija daśviedčanych pradprymalnikaŭ, jakija realizavali siabie».
U Biznes-škole IPM płanujuć, što prajekt budzie doŭhaterminovym, a temy dla nastupnych videafilmaŭ buduć padkazvać sami pradprymalniki. ««Biznes dla biznesu» — adkryty i hnutki prajekt. Kali ŭ pačatkoŭcaŭ-pradprymalnikaŭ budzie zapyt na tuju ci inšuju temu — my abaviazkova adreahujem. Akramia taho, my płanujem značna pašyryć śpis śpikieraŭ», — adznačyli ŭ Biznes-škole IPM.
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym3
Kamientary