Legatum Prosperity Index apublikavaŭ vyniki 149 krain śvietu ŭ halinie jakaści žyćcia pavodle dzieviaci asnoŭnych paramietraŭ. Miesca ŭ rejtynhu vyznačajecca sumaj punktaŭ, nabranych u kožnaj z tych katehoryj. U anivodnaj ź ich naša kraina nie zdoleła patrapić navat u top-40. Rejtynh składajecca šlacham apytańnia žycharoŭ usich krain, jakija dastupnyja daśledčykam.
Najhorš za ŭsio — pavodle apytanych — u nas vyhladajuć spravy ŭ halinie dziaržaŭnaha kiravańnia — 134-je miesca. Nienašmat lepš — asabistaja svaboda (133) i sacyjalny kapitał (129). Adnosna niebłahaja situacyja tolki ŭ adukacyi — 43-je miesca.
Dla suciašeńnia možna dadać, što ŭ našym rehijonie Biełaruś nie najhoršaja. Za nami znachodziacca Rasija — 101-je miesca, i Ukraina — 112-je.
A najlepšyja krainy dla žyćcia ŭ hetym hodzie — Narviehija, Novaja Ziełandyja, Finlandyja, Šviejcaryja, Šviecyja, Hałandyja, Danija, Kanada, Aŭstralija i Vielikabrytanija.
Zamykajuć śpis krain Afhanistan, Sudan, Centralnaafrykanskaja Respublika i Jemien.
Legatum Prosperity Index składajecca dla acenki suśvietnaha bahaćcia i dabrabytu. Pravodzicca analityčnym centram sa štab-kvateraj u Łondanie Legatum Institute z 2008 hoda.
Kamientary