Słucki pakinuŭ svaju pasadu paśla sustrečy z kiraŭnictvam kłuba, jakaja adbyłasia ŭ niadzielu. «Leanid pracavaŭ niastomna na svajoj pasadzie i pavodziŭ siabie hodna. Na žal, vyniki rasčaravali abodva baki, a tamu my vyrašyli spynić supracoŭnictva», — skazaŭ vice-prezident Chała» Echam Ałam.
Słucki uznačaliŭ «Chał» u pačatku leta. Jon staŭ pieršym rasijskim trenieram, jaki atrymaŭ pracu ŭ Anhlii. Pierad Słuckim była pastaŭlena zadača viarnuć «Chał» u premjer-lihu anhlijskaha čempijanatu, adkul kłub vylecieŭ pa vynikach minułaha siezonu.
Da momantu adstaŭki Słuckaha «Chał» byŭ daloki ad vykanańnia hetaj zadačy. Trenier byŭ zvolnieny paśla siamimatčavaj biazvyjhryšnaj sieryi, jakuju skłali čatyry parazy i try ničyi. Paśla hetaj sieryi «Chał» apynuŭsia na dvaccatym miescy ŭ čempijonšypie. Ad zony vyletu kamandu adździalaje ŭsiaho try bały.
Leanid Słucki byŭ u 2015—2016 hh. hałoŭnym trenieram zbornaj Rasii, a ŭ 2009—20015 hh. maskoŭskaha CSKA, mienavita pad jaho kiraŭnictvam pracavaŭ na pasadzie treniera ŭ armiejskim kłubie Viktar Hančarenka, siońniašni hałoŭny trenier kamandy.
«Kadebist u čornych skuranych palčatkach zadavaŭ pytańni, i kali ja nie adkazvała, pačynaŭ mianie dušyć»6
«Kadebist u čornych skuranych palčatkach zadavaŭ pytańni, i kali ja nie adkazvała, pačynaŭ mianie dušyć»
«Moj kachany nie čytaje naviny, kali jany napisanyja pa-biełarusku». Darja Caryk stała na abaronu ruskaj movy i pryplała navat Paźniaka82
Kamientary