34-hadovaha mužčynu padazrajuć u prodažy škodnaha prahramnaha zabieśpiačeńnia.
Akrom taho, pavodle źviestak, zatrymany byŭ taksama administrataram forumaŭ, na jakich abmiarkoŭvalisia pytańni ździajśnieńnia supraćpraŭnych dziejańniaŭ u śfiery vysokich technałohij.
U chodzie sumiesnych mierapryjemstvaŭ SK, upraŭleńnia «K» (jakoje zajmajecca raśledavańniem kibierzłačynstvaŭ) i FBR udałosia identyfikavać asobu hetaha mužčyny. Im akazaŭsia žychar Homielskaj vobłaści 1983 hoda naradžeńnia. Paśla hetaha supracoŭniki FBR ZŠA ažyćciavili zakupku ŭ biełarusa škodnasnaha prahramnaha zabieśpiačeńnia. Zychodny kod hetaj prahramy byŭ pravierany śpiecyjalistami ŭ halinie infarmacyjnaj biaśpieki, jakija dali zaklučeńnie ab jaho škodnasnaści.
U chodzie śledstva taksama było ŭstanoŭlena, što mužčyna dapamahaŭ svaim surazmoŭcam u sietcy internet u nabyćci i abnaŭleńni škodnasnaha PA, a taksama akazvaŭ pasłuhi techpadtrymki.
PA źjaŭlałasia trajanam, jaki zapampoŭvaŭ na kampjutar karystalnika prahramy, z dapamohaj jakich možna było sačyć za karystalnikam, źbirać ab im infarmacyju, atrymlivać dostup da ŭsich jaho akaŭntaŭ i parolaŭ.
Za kožnuju ździełku pa prodažy škodnasnaha prahramnaha zabieśpiačeńnia złamyśnik atrymlivaŭ 500 dalaraŭ ZŠA, za kožnaje abnaŭleńnie PA - 10 dalaraŭ. Kolkaść epizodaŭ niezakonnaj dziejnaści, a taksama dachod, atrymany ad jaje, ŭstaloŭvajucca śledčymi.
U kancy listapada 2017 hoda pravodziłasia hłabalnaja mižnarodnaja apieracyja, padčas apieratyŭna-vyšukovych i śledčych mierapryjemstvaŭ byli vyjaŭlenyja pradaŭcy, uładalniki siervieraŭ, a taksama asoby, jakija aktyŭna vykarystoŭvajuć hetuju prahramu.
Pačatkam apieracyi pasłužyła zatrymańnie biełarusa na terytoryi Homielskaj vobłaści. Padčas ahladu kamputarnaj techniki śledčymi i supracoŭnikami Upraŭleńnia «K» atrymany pramyja dokazy ździajśnieńnia zatrymanym złačynstvaŭ i jaho prynaležnaści da mižnarodnaj kibierzłačynnaj hrupoŭcy, paviedamlajuć śledčyja.
Zatrymanamu pahražaje da 10 hadoŭ. Paviedamlajecca, što jon daje pakazańni i supracoŭničaje sa śledstvam.
Kamientary