Pra heta, darečy, muzyki namiakajuć u svaim novym klipie ź vielmi śviatočnaj i zimovaj atmaśfieraj «A dzie žyvieš ty?»
![](http://nashaniva.com/img/w732d4webp1/photos/z_2017_12/navi_2-ghshk.jpg.webp)
![](http://nashaniva.com/img/w732d4webp1/photos/z_2017_12/navi-fd1h1.jpg.webp)
Prybaŭleńnie ŭ zornaj pary, što skarała sioleta «Jeŭrabačańnie» biełaruskamoŭnaj pieśniaj i zapomniłasia pryhožym pacałunkam paśla vystupu na scenie, čakajecca bližej da leta. Syn ci dačka — Ksienija Žuk i Arciom Łukjanienka pakul nie viedajuć. Ale muzyki źbirajucca vychoŭvać dzicia ŭ tvorčaj atmaśfiery i brać z saboj na kancerty dy repietycyi.
Pra svaje chvalavańni pierad naradžeńniem dziciaci Ksienija i Arciom raspaviali ŭ intervju «Kamsamołcy».
KP: Imia prydumali ŭžo?
Ksiuša: Pakul nie, ale heta budzie sapraŭdy biełaruskaje imia.
Arciom: Absalutna dakładna dzicia budzie žyć z nami ŭ hrymiorkach i stanie častkaj našaj kamandy. Dla mianie vielmi važna, kab dzicia było samastojnaje, kab jano žyło tut i ciapier razam z nami. A vučycca my jaho addamo ŭ biełaruskamoŭnuju škołu. Ja sam vučyŭsia ŭ biełaruskamoŭnaj himnazii. I kali praz čas pryjechaŭ dadomu, z sumam daviedaŭsia, što maja himnazija stała ŭžo ruskamoŭnaj. Baćki bajacca addavać dziaciej na biełaruskuju movu. Mnie heta dziŭna.
KP: Kaho chočacie bolš?
Ksiuša: Heta nie maje značeńnia. Usio naša asiarodździe padzialiłasia prykładna 50/50. Mnie vielmi cikava ŭžo daviedacca, chto budzie, ale Arciom nie choča zabiahać napierad.
KP: Albom «Adnoj darohaj» [heta novy albom muzykaŭ] vy pisali, kali ŭžo viedali, što Ksiuša ciažarnaja?
Ksiuša: Kali my jaho pisali z hrupaj letam na chutary, pra ciažarnaść zdahadvałasia tolki ja. A ŭ vieraśni, kali pisali vakał u studyi, užo ŭsie viedali, viadoma. Hety maleńki čałaviek užo šmat dzie pabyvaŭ z nami na hastrolach. Ja prysłuchoŭvajusia da svaich adčuvańniaŭ, jany nastolki niezvyčajnyja, jak byccam znachodžusia ŭ kosmasie. Usie dumki pra heta. Asabliva, kali słuchaješ pieśniu, a dzicia daje pra siabie viedać znutry, jak byccam choča pakazać, što jamu padabajecca. Mnie zdajecca, jon užo paznaje, kali śpiavaju ja.
Kamientary