Były staršynia Salihorskaha rajvykankamu Alaksandr Rymašeŭski pryznany siońnia vinavatym u ździajśnieńni złačynstva pa artykule ab atrymańni chabaru słužbovaj asobaj i asudžany na 8 hadoŭ pazbaŭleńnia voli z adbyvańniem pakarańnia ŭ kałonii ŭzmocnienaha režymu, z kanfiskacyjaj usioj majomaści, paviedamlaje BIEŁTA.
![](http://nashaniva.com/img/w732d4webp1/photos/z_2017_12/ar-70luz.jpg.webp)
Abvinavačańnie padčas sprečak u Mienskim abłasnym sudzie zapatrabavała 9 hadoŭ pazbaŭleńnia voli. «U cełym sud pahadziŭsia z pazicyjaj prakuratury pa hetaj kryminalnaj spravie», — skazaŭ prakuror. Alaksandr Rymašeŭski, pavodle słovaŭ abvinavaŭcy, na praciahu prykładna hoda atrymlivaŭ materyjalnaje ŭznaharodžańnie (chabar), ahulnaja suma jakoha skłała $16,9 tys., što źjaŭlajecca asabliva bujnym pamieram.
Chabaru za čatyry pryjomy pieradaŭ adzin čałaviek — pradstaŭnik kamiercyjnaj struktury «Biełrosahraservis» ŭ metach pahašeńnia zapazyčanaści sielhaspradpryjemstvaŭ Salihorskaha rajona. Čynoŭnik byŭ zatrymany 30 maja na darozie pablizu vioski Kamień Kapylskaha rajona Minskaj vobłaści z dokazami złačynstva, u momant atrymańnia chabaru ŭ $2,7 tys.
Vystupajučy siońnia ŭ sudzie z apošnim słovam, sam Rymašeŭski nazvaŭ spravu falsifikavanaj, a svajoj viny ŭ atrymańni chabaru nie pryznaŭ.
Kamientary