Eks-prezident Hruzii Michaił Saakašvili zatrymany ŭ Kijevie na dachu doma, dzie jon žyŭ, na vulicy Kaściolnaj kala Majdana Niezaležnaści.
Pra heta paviedamlajuć ukrainskija ŚMI.
Na zaklik Saakašvili kala jahonaha doma sabralisia prychilniki, jany spynili mašynu śpiecsłužb, jakoj vyvozili palityka, i błakujuć jaje.
Słužba biaśpieki Ukrainy abvinavaciła palityka «ŭ sadziejničańni ŭdzielnikam złačynnych arhanizacyj i ŭtojvańni ich złačynnaj dziejnaści». Śćviardžajecca, što Saakašvili ŭvajšoŭ u kantakty z ahientami Rasii i byłym ukrainskim ministram pa padatkach i zborach Kurčankam, jaki chavajecca ŭ Rasii i padazrajecca ŭ zdradzie radzimie.
Saakašvili pracavaŭ va Ukrainie z 2014 hoda. Jon padtrymaŭ revalucyju Jeŭramajdanu, paśla jaje byŭ hubiernataram Adeskaj vobłaści, ale nie zmoh ani zavajavać prychilnaść tamtejšych biznes-kołaŭ, ani likvidavać karupcyju. Ad 2016 jon staŭ aktyŭnym krytykam prezidenta Piatra Parašenki. U 2017 jon ujechaŭ va Ukrainu nasupierak zabaronie na ŭjezd. Krytyki abvinavačvajuć jaho ŭ biazdumnym papuliźmie. Rejtynh padtrymki jahonaha Ruchu novych sił va Ukrainie nie pieravyšaje 2%. Na mitynhi za impičmient Piatra Parašenki Saakašvili sabraŭ kala 2000 čałaviek.
Apošnija miesiacy rasijskaja prapahanda aktyŭna tyražavała krytyku Saakašvili na adras Parašenki. Eks-prezident Hruzii abvinavačvaŭ prezidenta Ukrainy i jaho asiarodździe ŭ karupcyi.
***
Na telehram-kanał «Našaj Nivy» možna padpisacca tut.
Ciapier čytajuć
Pra Miełkaziorava ŭ jaho apošni dzień: «Było adčuvańnie, što jon stomleny, brakuje enierhii, rysy tvaru byli zapałyja»1
Kamientary