Adnym z drajvieraŭ ekanamičnaha rostu ŭ 2018 hodzie stanie IT-siektar, paviedamlaje Tut.by sa spasyłkaj na pres-słužbu ŭrada.
«U ciapierašni čas prajekt dekreta «Ab raźvićci ličbavaj ekanomiki», jaki praduhledžvaje, u tym liku, maksimalna spryjalnyja ŭmovy dla raźvićcia technałohij błakčejn (uklučajučy majninh i abarot kryptavalut), a taksama kompleksnaje pravavoje rehulavańnie dziejnaści ŭ hetaj śfiery, uzhodnieny biez zaŭvah usimi ŭpaŭnavažanymi dziaržaŭnymi orhanami Biełarusi i ŭniesieny va ŭstanoŭlenym paradku na razhlad prezidenta», — adznačana ŭ paviedamleńni.
Raniej ministerstva ekanamičnaha błoka i Nacbank z aściarožnaściu vykazvalisia ab kryptavalutach, ale ekśpierty adznačajuć, što ciapierašniaja redakcyja dakumienta dazvalaje ŭvieści ich u pravavoje pole z ulikam intaresaŭ usich zacikaŭlenych viedamstvaŭ i abaviazacielstvaŭ Biełarusi.
Płanujecca, što siońnia na pasiadžeńni Savieta ministraŭ buduć razhledžany vyniki pracy ekanomiki za minuły pieryjad 2017 hoda i čakanyja vyniki hoda, a taksama acenka studzienia 2018 hoda.
U studzieni-kastryčniku 2017 hoda vykanany 5 z 7 klučavych pakazčykaŭ efiektyŭnaści raboty ŭrada i Nacbanka, a taksama paramietry, praduhledžanyja asnoŭnymi napramkami hrašova-kredytnaj palityki. Zabiaśpiečany rost pramysłovaj vytvorčaści pry źnižeńni zapasaŭ hatovaj pradukcyi da siaredniamiesiačnaha abjomu vytvorčaści i rost rentabielnaści prodažu ŭ arhanizacyjach pramysłovaści ŭ cełym pa respublicy, a taksama realnaj zarpłaty. Vykanany ŭ poŭnym abjomie abaviazacielstvy pa pahašeńni i absłuhoŭvańni valutnaha dziaržaŭnaha doŭhu pry pavieličeńni zołatavalutnych reziervaŭ.
Pa vynikach studzienia-kastryčnika 2017 hoda VUP vyras na 2% pry prahnozie i metavaj zadačy na 2017 h. 1,7%.
***
Na telehram-kanał «Našaj Nivy» možna padpisacca tut.
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym3
Kamientary